ԱՌՕՐԵԱՅ

Ստամբուլի ծանր հանցագործությունների գործով 5-րդ դատարանը մերժել է «Դինքի սպանության մեջ պատկան մարմինների պարտականություններում թերացումների» գործը կցել սպանության հիմնական գործին։ Գործն ուղարկվել է ծանր հանցագործությունների գործերով 14-րդ դատարան։

Ասորական միջազգային լրատվական գործակալությունը (ԱՄԼԳ) հրապարակել է «Իսլամական պետության» և մյուս ռադիկալ իսլամական խմբերի կողմից կործանված եկեղեցիների ցանկը։ Ցանկում կան նաև երեք հայկական եկեղեցիներ։

Դիարբեքիրի Սուր գավառում նորից փողոց դուրս գալու արգելք (պարետային ժամ) է հայտարարվել։ Ոստիկանությունը կրակոցներով և արցունքաբեր գազով միջամտություն է կազմակերպել այդ ցույցերին։ Նշվում է, որ Բաղլար շրջանում երկու հոգի է զոհվել։

Ազգային կրթության տնօրինությունները Ջիզրեում և Սիլոպիում աշխատող ուսուցիչներին կարճ հաղորդագրություններ են ուղարկել, որում նշվում է մասնագիտական վերպատրաստման մասին։ Դրանից հետո՝ երեկոյան ժամը 23․00-ի սահմաններում, Շըրնաքի նահանգապետարանը այդ բնակավայրերում փողոց դուրս գալու արգելք է հայտարարել (պարետային ժամ)։

Կիլիկիո Կաթողիկոսությունը (նստավայրը գտնվում է Լիբանանում՝ Անթիլիաս) Կոզանում գտնվող իր ունեցվածքների վերադարձի հետ կապված ապրիլի 27-ին դիմում էր ներկայացրել սահմանադրական դատարան: Կաթողիկոսության փաստաբան Ջեմ Սոֆուօղլուն մամուլի ասուլիս է կազմակերպել, որի ընթացքում խոսել է դատական գործընթացի մասին:

Դիքի սպանության գործով մեղադրական եզրակացության մեջ դատախազությունը հստակեցրել է, որ Դինքի սպանությունը, դրա համար նախապատրաստական աշխատանքներ իրականացնող հանցավոր կազմակերպությունն ու դրա անդամները, մինչև անգամ սպանության գործում հրաձգի դեր ստանձնած ‹‹Օգուն››-ի անունը նախապես հայտնի են եղել:

Ադրբեջանցի մարդու իրավունքների պաշտպան Լեյլա Յունուսը, ով արդեն մեկ ու կես տարի ազատազրկման մեջ էր գտնվում, ազատ է արձակվել։

Դինքի սպանության գործով պաշտոնատար անձանց առնչությամբ մեղադրական ակտն ուղարկվել է Ստամբուլի 14-րդ ծանր հանցագործությունների դատարան։ Մեղադրական եզրակացությունը երկու անգամ հետ էր ուղարկվել գլխավոր դատախազի կողմից։

Թուրքիա ժամանած ռուսական «Ռոսիա-1» հեռուստաալիքի լրագրողները արտաքսվել են երկրից այն բանից հետո, երբ մուտք են գործել Հաթայ քաղաք։ Ռուսաստանի արտգործնախարարությունն այս որոշումը որակավորել է «անընդունելի», մինչդեռ Թուրքիան դեռ պաշտոնական հայտարարություն չի արել։