Ասորական միջազգային լրատվական գործակալությունը (ԱՄԼԳ) հրապարակել է «Իսլամական պետության» և մյուս ռադիկալ իսլամական խմբերի կողմից կործանված եկեղեցիների ցանկը։ Ցանկում կան նաև երեք հայկական եկեղեցիներ։
Հրապարակված ցանկի տվյալների համաձայն՝ հարձակումների հետևանքով ավերվել է 16 դպրոց և մեկ վանք։
Հարձակումների ենթարկված հայկական եկեղեցիները հետևյալն են․
- Հալեպում գտնվող Սուրբ Ռիտա Թիլել հայկական եկեղեցին, որը 2014թ․ ապրիլի 28-ին ռմբակոծվել է ԻՊ-ի կողմից։
- Հայոց ցեղասպանության հիշատակին Տեր Զորում կառուցված հայկական եկեղեցին, որը 2014թ․ սեպտեմբերին ոչնչացվել է ԻՊ-ի կողմից։
- Ռաքքայում գտնվող հայ կաթոլիկ եկեղեցին, որը կործանվել է Իպ-ի զինյալների կողմից։
Ցանկում ներառված են նաև Ռաքքայում հրդեհի մատնված հունական կաթոլիկ եկեղեցին և Քարյաթայնում գտնվող Սուրբ Էլիան վանքը։
2015թ․ փետրվարի 23-ին ԻՊ-ը հարձակում էր գործել Հասեկեում գտնվող 35 ասորական գյուղերի վրա։ 253 ասորի պատանդ էր ընկել։ Հետագա ամիսներին Իպ-ը հարձակվել է 11 ասորական եկեղեցու վրա և ավերել նրանց մեծ մասը։
