Հռոմի Ֆրանցիսկոս պապը մահացած է Ապրիլի 21-ին, երկուշաբթի օր, 88 տարեկանին Վատիկանի Քասա Սանթա Մարթա նստավայրը։
22 Ապրիլ երեքշաբթի օր, Սուրբ Աթոռի մամլոյ գրասենեակը յայտարարեց, թէ Ֆրանցիսկոս Պապի թաղման արարողութիւնը տեղի պիտի ունենայ շաբաթ՝ Ապրիլ 26-ին, Իտալիայի ժամանակով առաւօտեան 10։00-ին, Սբ. Պետրոսի հրապարակը։
Սուրբ Պատարագին կը նախագահէ Քարտինալ Ճիովաննի Բատտիստա Ռեն՝ Քարդինալներու դասի տեքանի, Պատրիարքներու, քարտինալներու, Արքեպիսկոպոսներու, Եպիսկոպոսներու եւ քահանաներու համապատարագութեամբ, ովքեր կը ներկայացնեն աշխարհով մէկ սփռուած Կաթողիկէ Եկեղեցին։
Սուրբ Պատարագը կ՚աւարտի Ultima commendatio կոչուող աղօթքով, որով կը սկսի Ն.Ս. Ֆրանցիսկոսի համար նախատեսուած սգոյ 9-օրեայ շրջանը, որու ընթացքին կը մատուցուին Սուրբ Պատարգներ՝ անոր հոգւոյն համար եւ կը կատարուին այլ արարողութիւններ։
Թաղման Սուրբ Պատարագէն ետք Պապի մարմինը կրկին կը տեղափոխուի Սուրբ Պետրոսի տաճար, ապա՝ իր վերջնական հանգստավայրը՝ Հռոմի Սանթա Մարիա Մաճիորէ պազիլիկ տաճարը՝ գերեզմանի մէջ դրուելու համար։
Պապի մարմինը Ապրիլի 23-ին, կը դրուի Սուրբ Պետրոսի տաճար, որպէսզի հաւատացեալները աղօթեն անոր մարմնի մօտ։ Քասա Սանթա Մարթայէն դէպի Սուրբ Պետրոսի տաճար Պապի մարմնի տեղափոխութեան արարողութեան կը նախագահէ պապական սենեկապետ Քարտինալ Քեւին Ֆարրելը։ Արարողութիւնը կը սկսի առաւօտեան ժամը 9։00-ին։
Ֆրանցիսկոսի մարմինը կը տեղափոխուի թափորով՝ անցնելով Սանթա Մարթայի հրապարակէն եւ Հռոմեական Նախամարտիրոսներու հրապարակէն, ապա կանցնի Զանգերի կամարներով եւ կեդրոնական մուտքով կու գայ Սուրբ Պետրոսի Մայր Տաճար։
Ֆրանցիսկոս Պապը պատմութեան կ՚անցնի իրարու հակասող գնահատումներով։ Ոմանց համաձայն ան հաւատարիմ մնացած է բռնապետ զինուորականներուն, իսկ ուրիշներուն համաձայն ալ ընդհակառակը, ան խնայած է բազմաթիւ երիտասարդ յեղափոխականներ, որոնք ենթարկուած էին զինուրական իշխանութեան հետապնդման։
Հայ ժողովուրդի յիշողութեան մէջ ալ տակաւին թարմ է Ֆրանցիսկոս Պապի Ատրպէյճանի նախագահի հետ տեսնուած մտերիմ լուսանկարները։
