Ռուսիա դարձեալ կը խօսի սպառնական ոճով

Մոսկուա ան­հանգստա­ցած է Եւ­րո­պական Միու­թեան ան­դա­մակ­ցե­լու՝ Երե­ւանի ձգտու­մով։ Այս հաս­տա­տու­մը կա­տարեց Ռու­սիոյ ար­տա­քին գոր­ծոց փոխ­նա­խարար Ալեք­սանտր Կրուշքօ: Պա­տաս­խա­նելով «Թասս»-ի հար­ցումին, թէ ար­դեօք Մոս­կո­ւա մտա­հո՞գ է Եւ­րո­պական Միու­թեան միանա­լու՝ Երե­ւանի ձգտումնե­րով, Կրուշքօ դրա­կան պա­տաս­խա­նեց։ «Բնա­կանա­բար, Հա­յաս­տա­նի՝ Եւ­րո­պական Միու­թեան ան­դա­մակ­ցե­լու ձգտումնե­րը մտա­հոգիչ են, որով­հե­տեւ այդպի­սի ձգտումներ ան­հա­մատե­ղելի են Ե.Ա.Տ.Մ.-ին՝ այս երկրի ան­դա­մակ­ցութեան հետ, եւ մենք այդ մա­սին կը խօ­սինք հայ պաշ­տօ­նակից­նե­րու հետ, իրենցմով ու­նե­ցած մեր բազ­մա­թիւ կա­պերուն մի­ջոցաւ», ըսաւ Կրուշքօ։

Ան յա­ւելեց. «Յայտնի է, որ Ե.Ա.Տ.Մ.-ին մաս­նակցու­թեան շնոր­հիւ, Հա­յաս­տան աշ­խոյժ կեր­պով կը զար­գա­նայ, եւ տնտե­սական աճ կը նկա­տուի Երե­ւանի հա­մար բո­լոր առանցքա­յին ոլորտներուն մէջ։ Եւ ասի­կա հսկա­յական հարստու­թիւն է, զոր Հա­յաս­տան կրնայ կորսնցնել, եթէ Արեւմուտքը զայն ներգրա­ւէ իր աշ­խարհա­քաղա­քական խա­ղին մէջ՝ փոր­ձե­լով Հա­յաս­տա­նը Ռու­սիայէն եւ այլ բնա­կան դաշ­նա­կից­նե­րէն հե­ռաց­նել» ըսելով։