ԱՐԵՒԵԼԱՀԱՅԵՐԷՆ

Հրանտ Դինքի սպանության գործով կազմված մեղադրական եզրակացության հավելվածի մեջ տեղ գտած մի փաստաթղթից հայտնի է դառնում, որ 2011թ․ Թուրքիայի ազգային հետախուզական ծառայությունը (Milli İstihbarat Teşkilatı) հետևել է հայ, հույն և մյուս ոչ մահմեդական խմբերին և արդյունքները գրանցել «Էթնիկ անջատողական գործողություններ» վերնագրի ներքո։

Հրանտ Դինք հիմնադրամի՝ մշակութային ժառանգության շուրջ իրականացրած աշխատանքները շարունակվում են։ Թուրքիայի հայկական, հունական, ասորական և հրեական կառույցների ցանկը կազմելուց հետո նախագիծը Կայսերիի (Կեսարիա) մշակութային ժառանգության վրա է կենտրոնացել։ Կայսերին, որի բնակչության մեկ երրորդը 19-րդ դարի վերջում ոչ մահմեդականներն էին կազմում, մշակութային ժառանգության տեսանկյունից ամենահարուստ քաղաքներից է, սակայն այդ ուղղությամբ ամենաքիչ աշխատանքներն այնտեղ են իրականացվել։

2015թ․ դեկտեմբերի14-ից Ջիզրեում գործող պարետային ժամը վաղվանից ի վեր ցերեկային ժամերին չի կիրառվի։

2016թ․ փետրվարի 26-ին Իրանի Իսլամական Հանրապետությունում խորհրդարանական ընտրություններ են կայացել։ Ըստ նախնական տվյալների՝ ընտրվել է երկու հայ պատգամավոր՝ Կարեն Խանլարյանն ու Ժորժ Աբրահամյանը։

Անկարայի հանրապետական դատախազությունը գրություն է ուղարկել «Թյուրքսաթ» (Türksat)՝ պահանջելով դադարեցնել Ի-մէ-ջթ հեռուստաընկերության (İMC TV) հեռարձակումը։ Որպես պատճառ ներկայացվում է «ահաբեկչական կազմակերպության պրոպագանդան»։ Հեռուստաընկերության նորությունների համակարգող Ֆարուք Էրենն ասաց․ «Ահա թե ինչեր են տեղի ունենում մինչ մենք ուրախանում ենք Դյունդարի և Գյուլի ազատ արձակման լուրով։ Թուրքիայում մամլո և խոսքի ազատությունը թշվառ վիճակում է»։

Ոչ մահմեդական դպրոցներում սովորել ցանկացող աշակերտներն ընտրվում էին «ազգության գաղտնագրի» միջոցով։ Անցած տարի այս մեթոդը դադարեցվել էր ծանուցագրով։ Բնակչության հարցերով գլխավոր վարչության պետ Ահմեդ Սարըջանը Ազգերի ժողովրդավարական կուսակցության (HDP-ԱԺԿ) հայազգի պատգամավոր Կարո Պայլանին տեղեկացրել է, որ «ազգության գաղտնագրի» ծրագիրը կիրառությունից դուրս է բերվել նաև Բնակչության հարցերով գլխավոր վարչության համակարգում։

Դատաբժշկական կենտրոնը հաստատել է, որ Անկարայի պայթունն իրականացրած մահապարտը Աբդուլբաքի Սոմերն է։

Շվեդիայում գտնվող Ասորական ասոցիացիաների ֆեդերացիայի հայտարարության համաձայն՝ ԻՊ-ի (իսլամական պետություն) գերության մեջ գտնվող 40 ասորի ազատ է արձակվել։

Փետրվարի 21-ին՝ մայրենի լեզվի համաշխարհային օրը, Ազգերի ժողովրդավարական կուսակցության (HDP) հայազգի պատգամավոր Կարո Պայլանը առցանց էջերում տարածել է հայերեն և թուրքերեն այցեքարտերը։ Այցեքարտերը տպվել են Թուրքիայի ազգային մեծ ժողովի կողմից։

Պարզվել է, որ Հրանտ Դինքի սպանությունից 4 ամիս առաջ Տրապիզոնի ժանդարմերիայի հետախուզությունը հետևել է նրան Ստամբուլում գտնվող իր տան մոտակայքում։