ՀԱՅԵՐ

Ազատազրկում է սահմանվել Թուրքիայի ազգայնական «Իդեալիստական օջախներ» կազմակերպության Կարսի ղեկավար Թոլգա Ադըգյուզելի նկատմամբ, ով կոչ էր արել դուրս գալ «հայերի որսի»։ Կարո Փայլանը դատական հայց էր ներկայացրել հայերի որսի դուրս գալու կոչով հանդես եկած Ադըգյուզելի դեմ։ Դատական գործն ավարտվել է՝ Ադըգյուզելի նկատմամբ 7 ամիս, 15 օր կալանք, 11 հազար 240 թուրքական լիրայի չափ տուգանք սահմանելով։

Կան ֆիլմեր, որոնց վերնագիրն անգամ հուշում է ֆիլմի ծանրությունը՝ մինչև ֆիլմը դիտելը։ «Ո՞վ սպանեց հայերին» փաստա-վավերագրականը նման ֆիլմերից է։

Թուրքիայի ներքին գործերի նախարարի տեղակալ Սեբահաթթին Օզթյուրքը նշել է, որ Դիարբեքիրի Սուր գավառում նկարահանված և երեքշաբթի օրը սոցցանցերում տարածված տեսահոլովակում նկարահանվածը անվտանգության աշխատակից է։ Նա նաև նշել է, որ նրան աշխատանքից ազատելու հրաման է տրվել։ «Միայնակ եմ, հա՛յր» վերնագիրը կրող տեսահոլովակը լի է ռասիստական արտահայտություններով։ Դիարբեքիրի Սուր գավառում տեսահոլովակի նկարահանման պահին գործող պարոտային ժամը դեռ շարունակվում է։

Թուրքիայի հիմնադրամների գլխավոր վարչության ղեկավար Ադնան Էրթեմը Դիարբեքիրի Սուր գավառի անհապաղ օտարման մասին Նախարարների խորհրդի որոշման առնչությամբ հայտարարությամբ է հանդես եկել։ «Մեր մտադրությունն է պահպանել պատմական կառույցները»

Նախարարների խորհրդի որոշմամբ Դիարբեքիրի Սուրում օտարման ենթարկված տարածքների շարքում է նաև Միջին Արևելքի ամենամեծ հայկական եկեղեցին՝ Սուրբ Կիրակոսը։ Նույն որոշմամբ օտարվել են նաև ասորական, քաղդեական և բողոքական եկեղեցիները։

Սուրբ Զատիկի նախօրեին Թուրքիայի գլխավոր շտաբը նախազգուշացում-հայտարարություն է արել. ‹‹Ահաբեկչական խմբավորումները տարբեր կրոնների դավանող քաղաքացիների դեմ տարբեր տեսակի սադրիչ գործողություններ կարող են իրականացնել››:

Հրանտ Դինքի սպանության գործով կազմված մեղադրական եզրակացության հավելվածի մեջ տեղ գտած մի փաստաթղթից հայտնի է դառնում, որ 2011թ․ Թուրքիայի ազգային հետախուզական ծառայությունը (Milli İstihbarat Teşkilatı) հետևել է հայ, հույն և մյուս ոչ մահմեդական խմբերին և արդյունքները գրանցել «Էթնիկ անջատողական գործողություններ» վերնագրի ներքո։

2016թ․ փետրվարի 26-ին Իրանի Իսլամական Հանրապետությունում խորհրդարանական ընտրություններ են կայացել։ Ըստ նախնական տվյալների՝ ընտրվել է երկու հայ պատգամավոր՝ Կարեն Խանլարյանն ու Ժորժ Աբրահամյանը։

Սիրիայի Քեսապ գյուղաքաղաքը, որի բնակչության մեծամասնությունը հայեր են, հրթիռային հարձակման է ենթքրկվել: Հարձակման հետևանքով զոհեր չկան:

Ռոժավայում 16 քրիստոնեական հաստատությունների հայտարարությունը, որում դժգոհություն էր հայտնվում YPG-PYD իշխանությունից, քննարկումների պատճառ դարձավ։ PYD (Ժողովրդավարական միություն կուսակցություն) ղեկավարությունը հերքել էր մեղադրանքները, «Ակոս»-ի հետ զրույցում PYD ներկայացուցիչները նշել էին, որ տեղեկությունները չեն համապատասխանում իրականությանը։ Սակայն արձագանքները դեռ շարունակվում են։