ՁԵՐԲԱԿԱԼՈՒԹՅՈՒՆՆԵՐ

Բիթլիսի՝ Հիզանի համաքաղաքապետ Իհսան Ուղուրը, Մուտքի համաքաղաքապետ Օզջան Բիրլիքը, Յոլոլանի համաքաղաքապետ Ֆելեմեզ Այդընը, Սիիրտի՝ Բայքանի համաքաղաքապետեր Սելվա Էրդողանը և Վեյսել Քարանին, ինչպես նաև Բելդեի համաքաղաքապետ Էնես Ջենգիզը ձերբակալվել են։

Երեկ գիշերվա ժամերին իր տանից ձերբակալված Ժողովուրդների ժողովրդավարական կուսակցության համանախագահ Սելահաթթին Դեմիրթաշը Դիարբեքիրի դատարանում ցուցմունք է տվել։

Ժողովուրդների ժողովրդավարական կուսակցության համանախագահներ Սելահաթթին Դեմիրթաշն ոի Ֆիգեն Յուքսեքդաղը, ինչպես նաև կուսակցության պատգամավորներ Ֆերհաթ Օնջուն, Լեյլա Բիրլիքը, Սելմա Ըրմաքը, Աբդուլլահ Զեյդանը, Իդրիս Բալուքենը, Սըրրը Սուրեյյա Օնդերը, Զիյա Փիրը, Նուրսել Այդողանը, Գյուլդեր Յըլդըրըմը գիշերն իրականացված գործողությունների արդյունքում ձերբակալվել են։

Թուրքական «Ջումհուրիյեթ» օրաթերթի գլխավոր խմբագիր Մուրադ Սաբունջուն և թղթակիցներ Այդըն Էնգինը, Հիքմեթ Չեթինքայան, Գյուրայ Օզը, Հաքան Քարան և Թուրհան Գյունայը ձերբակալվել են։

Դերսիմի Փերթիկ գավառում հարսանիքներից մեկում քրդերեն երգեր կատարելու պատճառով երաժշտական խմբի (Grup Çığlık Orkestra) 3 անդամ ձերբակալվել են «ահաբեկչական խմբավորման պրոպագանդա» իրականացնելու մեղադրանքով։

Հրանտ Դինքի սպանության գործով մեկ գնդապետ, երկու ենթասպա, մեկ սերժանտ, մեկ հրատարակչատան սեփականատեր են ձերբակալվել։ Ընդհանուր առմամբ ձերբակալվել է 5 հոգի։

«Դիջլե» լրատվական գործակալության (DİHA) լրագրող Նուրի Աքմանը ահաբեկչական կազմակերպությանն «անդամակցելու» մեղադրանքով ձերբակալվել և տեղափոխվել է Մալաթիայի բանտ։