ԽՈՍՔԻ ԱԶԱՏՈՒԹՅՈՒՆ

«Հերթապահ գլխավոր խմբագրի նախաձեռնության» միջոցով «Օզգյուր գյունդեմ» պարբերականին օժանդակություն ցուցաբերած Մուրադ Չելիկքանի և Բեյզա Ուսթյունի գործով դատական նիստի ընթացքում Ուսթյունի՝ 15 ամսվա ազատազրկման որոշումը հետաձգելու որոշում է կայացվել։ Չելիկքանին 18 ամսով ազատազրկման պատիժը չի հետաձգվել։

Փետրվարի 14-ին բերման ենթարկված Die Welt-ի Թուրքիայի թղթակից Դենիզ Յուջելը ձերբակալվել է՝ «ահաբեկչական խմբավորման պրոպագանդայի և ժողովրդին ատելության և թշնամանքի հրահրելու» մեղադրանքով։ Անգելա Մերկելը Յուջելի ձերբակալությունը տխուր և անհամաչափ է անվանել։

Թուրքիայում արտակարգ իրավիճակի պայմաններում ընդունված և մի շարք ակադեմիկոսների՝ աշխատանքից հեռացման պատճառ դարձած հրամանի դեմ իրենց բողոքը հայտնելու համար Անկարայի համալսարանի ակադեմիկոսները փորձել են հավաքվել համալսարանի Ջեբեջի մասաշենքում։ Ակադեմիկոսներին, սակայն, թույլ չեն տվել մասնաշենք մուտք գործել, ոստիկանությունը բռնություն է կիրառել նրանց նկատմամբ։ 20 հոգի բերման է ենթարկվել, որոնց թվում նաև վերջին հրամանով աշխատանքից հեռացված ակադեմիկոսները։

Դեկտեմբերի 30-ին թուրքական դատարանը որոշում է կայացրել ձերբակալելու «Ջումհուրիյեթ» պարբերականի թղթակից Ահմեդ Շըքին։

Թուրքիայում վերջին ժամանակներում փակված պարբերականներից «Օզգյուր գյունդեմ»-ի ղեկավարների և թղթակիցների դեմ դատական գործի նիստում որոշում է կայացվել ազատ արձակել գրող Ասլը Էրդողանին, լեզվաբան Նեջմիյե Ալփային և «Օզգյուր գյունդեմ»-ի գլխավոր խմբագիր Զանա Քայային:

Պահանջ է ներկայացվել ‹‹Օզգյուր գյունդեմ›› պարբերականի ինը ղեկավար անդամներին և լրագրողներին ցմահ ազատազրկման ենթարկել: Մեղադրյալներից 4-ն այժմ ձերբակալված են:

Թուրքական «Ջումհուրիյեթ» օրաթերթի գլխավոր խմբագիր Մուրադ Սաբունջուն և թղթակիցներ Այդըն Էնգինը, Հիքմեթ Չեթինքայան, Գյուրայ Օզը, Հաքան Քարան և Թուրհան Գյունայը ձերբակալվել են։

Թուրքիայում շարունակվող արտակարգ իրադրության պայմաններում ընդունված հրամանագրով փակված Hayatın Sesi և İMC TV հեռուստաընկերություններում այսօր ոստիկանական օպերացիա է իրականացվել։ Հեռուստաընկերությունների շենքերը կողպվել են։

Թուրքիայում արտակարգ իրադրության պայմաններում ընդունված հրամանագրով ավելի վաղ դադարեցվել էր 12 հեռուստաալիքի հեռարձակումը։ Հաջորդիվ դադարեցվել է նաև Med Nûçe հեռուստաընկերության հեռարձակումը։ Med Nûçe-ն հառարձակում իրականացնում էր Եվրոպայում։

Թուրքիայում TÜRKSAT-ի միջոցով հեռարձակվող 12 հեռուստա և ռադիոալիքների եթերը դադարեցվել է, որից հետո արգելափակվել են «Օզգյուր ռադիո», «Հայաթըն սեսի» և «ԻՄՋ»-ի լրատվական կայքերը։