Պահանջը կրկնուեցաւ, պատասխանը անյայտ

Կրթու­թեան Նա­խարա­րու­թեան «Ուսման Յա­տուկ Հաս­տա­տու­թիւննե­րու Կա­նոնա­գիր»ի մէջ ըրած փո­փոխու­թիւննե­րով փոք­րա­մաս­նութիւննե­րու դպրոց­նե­րուն շնոր­հուած փոխ տնօ­րէն եւ թրքե­րէն դա­սերու ու­սուցիչ­ներ ընտրե­լու իրա­ւունքը 3 Յու­նո­ւար 2025-էն սկսեալ առ­կա­խուած է։

Այս որո­շու­մը խոր մտա­հոգու­թիւն պատ­ճա­ռած է փոք­րա­մաս­նութեանց դպրոց­նե­րու վա­րիչ­նե­րուն։ Անոնք իրենց դժգո­հու­թիւնը յայտնած էին Իս­թանպու­լի Կրթա­կան Տնօ­րէնու­թեան։

Նա­խորդ շա­բաթ Ար­դա­րու­թիւն եւ Զար­գա­ցում Կու­սակցու­թեան պատ­գա­մաւոր Սե­ւան Սը­վաճըօղ­լու այս նիւ­թի մա­սին տե­սակ­ցութիւն մը ու­նե­ցաւ Ուսման Յա­տուկ Հաս­տա­տու­թիւննե­րու ընդհա­նուր տնօ­րէն Ֆեթ­հուլլահ Կիւ­նէ­րի հետ։

12 Փետ­րո­ւար չո­րեք­շաբթի օր, Թարգման­չաց Վար­ժա­րանի տնօ­րէնու­հի Տի­րու­հի Պե­րին, Կեդ­րո­նակա­նի տնօ­րէնու­հի Սիլ­վա Գու­յումճեան-Մար­կո­սեան եւ Մխի­թարան Վար­ժա­րանի տնօ­րէնու­հի Եւա Օրա­քեան եւս հան­դի­պում ու­նե­ցան Ֆեթ­հուլլահ Կիւ­նէ­րի հետ, մաս­նակցու­թեամբ Սե­ւան Սը­վաճըօղ­լո­ւի։

Հա­յոց վար­ժա­րան­նե­րու տնօ­րէնու­հի­ները պա­հան­ջե­ցին ու­սուցիչ պաշ­տօ­նակո­չելու իրա­ւունքի վե­րահաս­տա­տու­մը։ Փո­խադար­ձա­բար ընդհա­նուր տնօ­րէնն ալ յայտնեց թէ չեն ու­զեր փոք­րա­մաս­նութեանց պատ­կա­նող դպրոց­նե­րուն նե­ղու­թիւն պատ­ճառել։