Սաթենիկ Նշան անպարտ հռչակուած

Հաստա­տու­թեան փո­ղերը իւ­րացնե­լու եւ իր պաշ­տօ­նը շա­հագոր­ծե­լու մե­ղադ­րանքով նախ­կին թա­ղակա­նու­թեան յա­րու­ցած դա­տավա­րու­թեան աւար­տին Էսաեան Վար­ժա­րանի նախ­կին տնօ­րէնու­հի Սա­թենիկ Նշան անպարտ հռչա­կուած է։

Թա­ղական խոր­հուրդի նախ­կին ատե­նապետ Սի­մոն Չե­քեմ 2020 թո­ւին պաշ­տօ­նան­կութեան որո­շում կա­յացու­ցած էր տնօ­րէնու­հիի դէմ։ 30 Դեկ­տեմբեր 2022-ին, Չե­քեմ այս ան­գամ կարգ մը մե­ղադ­րանքներ ներ­կա­յաց­նե­լով դատ բա­ցաւ Սա­թենիկ Նշա­նին։ Ան կը պնդէր թէ առանց թա­ղակա­նու­թեան ար­տօ­նու­թեան ու­սուցիչ­ներ պաշ­տօ­նակո­չած է, ու­սա­նող­նե­րու ծնող­նե­րէն գան­ձո­ւած գու­մարնե­րը չէ փո­խան­ցած թա­ղակա­նու­թեան, դպրոցի սրա­հը տրա­մադ­րած է Մա­րալ Եր­գի ու Պա­րի միու­թեան եւ փճա­ցու­ցած է կարգ մը փաս­տա­թուղթեր։

Դա­տարա­նը այս բո­լորի մա­սին հար­ցուցած է ներ­կայ թա­ղակա­նու­թեան կար­ծի­քը։ Անոնք յայտնած են թէ հիմ­նարկը Սա­թենիկ Նշա­նի գոր­ծունէու­թեան հե­տեւան­քով ոեւէ վնաս չէ կրած։

Դա­տակազ­մը այս յայտն ալ նկա­տի ու­նե­նալով ուղղո­ւած բո­լոր մե­ղադ­րանքնե­րէն ան­պարտ հռչա­կած է Սա­թենիկ Նշա­նը։