Առօրեայ հակասութիւններ

Երբ ոմանք շունչե­րը բռնած մեծ ակնկա­լու­թիւնով կը սպա­սեն 15 Փետ­րո­ւարին Իմ­րա­լըէն հնչե­լիք կո­չին, ան­դին երկրէ ներս քիւրտե­րու քա­ղաքա­կան կեան­քը կրկին ան­գամ կը ոտ­նա­կոխո­ւի իբ­րեւ թէ ահա­բեկ­չութեան ան­հիմն մե­ղադ­րանքնե­րով։

Բո­լորո­վին քա­ղաքա­կանա­ցած դա­տական հա­մակար­գը Դե­մոկ­լեան թու­րի մը նման կը ճօ­ճուի ՏԵՄ կու­սակցու­թեան նո­ւաճած քա­ղաքա­պետա­րան­նե­րու վե­րեւ։

Այս ծի­րէն ներս վեր­ջին ծանր հա­րուա­ծը վի­ճակո­ւեցաւ Վա­նի հա­մաքա­ղաքա­պետ Ապ­տուլլահ Զէյ­տա­նին։ Զէյ­տան ահա­բեկ­չութեան քա­րոզ­չութիւն մե­ղադ­րանքով 3 տա­րի 9 ամիս ազա­տազրկման դա­տապար­տո­ւեցաւ։

Այս որո­շու­մը բնա­կանա­բար լուրջ հա­կազ­դե­ցու­թիւն գոր­ծեց Վա­նի մէջ, ուր ցու­ցա­րար­ներ փո­ղոց իջան ընտրո­ւած քա­ղաքա­պետին զօ­րակ­ցութիւն յայտնե­լու։

Նոյն օր Իս­թանպու­լի դա­տախա­զու­թիւնն ալ Ժո­ղովրդա­հան­րա­պետա­կան կու­սակցու­թեան ՏԵՄ-ի հետ գոր­ծակցե­լով նո­ւաճած քա­ղաքա­պետա­րան­նե­րու մէջ բեր­ման են­թարկեց երու փոխ քա­ղաքա­պետ­ներ եւ քա­ղաքա­պետա­կան խոր­հուրդի եօթը ան­դամներ։

Դա­տախա­զու­թիւնը վե­րոն­շեալ հա­մագոր­ծակցու­թիւնը յան­ցա­գոր­ծութիւն ըլ­լա­լով մեկ­նա­բանած է։

Վեր­լուծա­բան­ներ լրջօ­րէն կը դժուարա­նան մէկ կող­մէ երկխօ­սու­թեան եւ հետզհե­տէ խա­ղաղու­թեան գոր­ծընթա­ցի մը առ­կա­յու­թեան պայ­մաննե­րուն նման զար­գա­ցումնե­րը մեկ­նա­բանելու։