Լուրը հաղորդող «Շալոմ» թերթը կը տեղեկացնէ թէ Հալեվա 2002 թուականէն այս կողմ ստանձնած էր Թուրքիոյ հրեայ համայնքի հոգեւոր առաջնորդի պաշտօնը։ Հալեվա նաեւ ուսուցչագործած էր Պոլսոյ հրեայ վարժարաններու մէջ, դասաւանդելով կրօնք, բարոյագիտութիւն եւ եփրայերէն։
Ան բազմաթիւ յօդուածներ գրած էր նիւթ ունենալով հրէից աստուածաբանութիւնը եւ Թոհայի պատուիրանները։ Ան բացի եփրայերէնէ կը տիրապետէր նաեւ թրքերէնի, ֆրանսերէնի, անգլերէնի, արամերէնի եւ հին սպաներէնէն սերած լատինօ լեզուներուն։
Ռաւ Իզակ Հալեվա ամուսնացած էր եւ ունէր չորս զաւակներ։
Հալեվայի յուղարկաւորութիւնը պիտի կատարուի 16 Յունուար հինգշաբթի օր, Նեվէ Շալոմ սինակոկի մէջ։
