Խաղաղութիւնը անուրջ մըն է լոկ

Երբ միջազգա­յին քա­ղաքա­կանու­թեան զա­նազան դե­րակա­տար­ներ, այդ թո­ւին Թուրքիոյ եւ Եւ­րո­պայի եր­կիրնե­րու ղե­րավար­ներ կը խրա­խու­սեն Հա­յաս­տա­նի եւ Ատրպէյ­ճա­նի մի­ջեւ խա­ղաղու­թեան պայ­մա­նագ­րի մը ստո­րագ­րութիւ­նը, Ալիեւ կը շա­րու­նա­կէ սպառ­նա­կան լե­զուով խօ­սիլ Հա­յաս­տա­նի իշա­նու­թիւննե­րու հետ։

Ան կը շա­րու­նա­կէ օրա­կար­գի վրայ պա­հել «Զան­գե­զու­րի Մի­ջանցք» եզ­րը, ան­տե­սելով այս մա­սին ՀՀ Կա­ռավա­րու­թեան բա­ցար­ձակ մեր­ժող մեր­ձե­ցու­մը։

Նոյ­նիսկ կ՚ան­տե­սէ այս նիւ­թի շուրջ մօտ ան­ցեալին իր ելոյթնե­րը, ըստ որու Զան­գե­զու­րը անհրա­ժեշ­տութիւն մը չէ եւ իրենք կրնան այ­լընտրան­քա­յին մի­ջոց­ներ շա­հագոր­ծել։

Նշենք որ աւե­լի քան 30 տա­րիներ Թուրքիա եւ Ատրպէյ­ճան Հա­յաս­տա­նը շրջա­փակ­ման մէջ պա­հելու հա­մար հնա­րած են բազ­մա­թիւ «այ­լընտրան­քա­յին» մի­ջոց­ներ։ Մենք այդ պատ­կե­րը տե­սանք կա­զատար կամ նաֆ­թա­տար խո­ղովա­կաշա­րերու ծրագրման օրե­րուն ալ։

Անոնք յանձն առին շատ աւե­լի եր­կար եւ բազ­մա­ծախս ու­ղի­ներ, լոկ Հա­յաս­տա­նի հո­ղային տա­րած­քը շրջան­ցե­լու նպա­տակով։

Նոյ­նը պա­տահե­ցաւ եր­կա­թու­ղի­ներու ծրագ­րա­ւոր­ման մէջ։

Այժմ Ալիեւի իշ­խա­նու­թիւնը կը փոր­ձէ շա­րու­նա­կել նոյն ռազ­մա­վարու­թիւնը եւ միւս կող­մէ ալ Հա­յաս­տա­նը կը մե­ղադ­րէ ապ­րանքնե­րու եւ մարդկանց շրջա­նարու­թիւն խա­փանե­լու պնդումով։