Պոլսահայ համայնքի գեղգեղուն ձայներէն, «Ակօս»ի սիրելի բարեկամ Մարալ Այվազ 29 Սեպտեմբեր կիրակի օր, ժամը 18.30-ին Տիգրանակերտի Քիւրտ Կին Շարժման Միութիւն «ՔԱՏԵՍ»ի հրաւէրով Սուրբ Կիրակոս Եկեղեցւոյ մէջ հայերէն երգացանկով համերգ մը պիտի ունենայ։
Երեկոն սկիզբ պիտի առնէ Միզկին Թուրանի կարճ համերգով։ Ապա Մարալ Այվազը իր երգացանկով հանդէս պիտի գայ իր հետ ունենալով ակուստիկ նուագախումբ մը։
Նուագախումբին մաս կը կազմեն Սեւան Ինյափան քանոնով, Արի Հերկել կիթառով, Էօզճան Կիւլ դուդուկով եւ Սեւան Կարապետօղլու դհոլով։
