Կը շարունակուի քաղաքական ալեկոծումը

Կայացաւ
Ժո­ղովրդա­հան­րա­պետա­կան
Կու­սակցու­թեան հա­մագու­մա­րը

18 Մար­տին Իս­թանպու­լի քա­ղաքա­պետ Էք­րամ Իմա­մօղ­լո­ւի հա­մալ­սա­րանի տիփ­լո­մի չե­ղար­կումով մեկ­նարկող անօ­րինու­թեան շար­քը յա­ջորդ օր քա­ղաքա­պետի ձեր­բա­կալու­թիւնով մտած էր նոր փու­լի մը։ Այդ մի­ջոցին Ժո­ղովրդա­հան­րա­պետա­կան Կու­սակցու­թեան նա­խագահ Էօկիիւր Էօզէլ հա­ւանա­կան նոր դա­ւադ­րութիւ­նով մը կու­սակցու­թեան տե­ղապահ նշա­նակո­ւելու վար­կա­ծին դէմ յայ­տա­րարեց 6 Ապ­րիլ թո­ւակա­նին ար­տա­կարգ հա­մագու­մար։ Ան­գա­րայի մէջ կա­յացող հա­մագու­մա­րի աւար­տին Էօզէլ վե­րընտրուեցաւ իբ­րեւ նա­խագահ։ Քա­ղաքա­պետի ձեր­բա­կալ­ման յա­ջոր­դող օրե­րուն զան­գուածա­յին բո­ղոքի ցոյ­ցե­րէն ետք բեր­ման են­թարկուած երի­տասարդնե­րէ ու ու­սա­նող­նե­րէ 301-ը ձեր­բա­կալո­ւեցան։ Յա­ջոր­դին այդ ձեր­բա­կալու­թիւննե­րու դէմ կա­տարո­ւած առար­կութիւննե­րու հե­տեւան­քով հինգ ու­սա­նող­ներ դուրս եկան ար­գի­լանո­ցէն, իսկ 296-ը կը շա­րու­նա­կէ մնալ ճա­ղերու ետին։

Մինչ այդ Ժո­ղովրդա­հան­րա­պետա­կան Կու­սակցու­թիւնը քա­ղաքա­պետի հետ ձեր­բա­կալո­ւած աւե­լի քան 50 պաշ­տօ­նեանե­րու հա­մար կը ձեռ­նարկէ հան­րա­հաւաք­նե­րու շար­քի մը։

Առա­ջին հան­րա­հաւա­քը կա­յացաւ 9 Ապ­րիլ Չո­րեք­շաբթի երե­կոյ Շիշ­լիի քա­ղաքա­պետա­րանի առ­ջեւ։ Ինչպէս ծա­նօթ է Շիշ­լիի քա­ղաքա­պետն ալ ձեր­բա­կալո­ւած էր եւ իր տեղ ալ տե­ղապահ մը նշա­նակո­ւած։

Ընդդի­մու­թիւնը հա­մախմբո­ւած

Վեր­ջին շա­բաթ­նե­րու զար­գա­ցումնե­րուն հե­տեւան­քով ընդդի­մադիր զա­նազան կու­սակցու­թիւններ հա­մախմ­բուե­ցան իշ­խա­նու­թեան դէմ։ Այս դիր­քո­րոշու­մի կա­րեւոր ազ­դակնե­րէն մէկն ալ իրա­ւական հա­մակար­գի քա­ղաքա­կանա­ցումն է։ Այս պա­հի դրու­թեամբ նա­խագա­հու­թեան եր­կու թեկ­նա­ծու­ներ, երեք կու­սակցա­պետեր, ընտրո­ւած երես­փո­խան մը, բազ­մա­թիւ իրա­ւապաշտպան­ներ, լրագ­րողներ եւ հա­սարա­կական գոր­ծիչներ ճա­ղերու ետին են։ Անոնց ուղղո­ւած մե­ղադ­րանքնե­րը եր­բեք հա­մոզիչ չեն թո­ւիր թէ՛ երկրէ ներս եւ թէ ար­տա­սահ­մա­նի քա­ղաքա­կան շրջա­նակ­նե­րուն։

Վեր­ջին դէպ­քե­րը եռե­ւեփու­մի նոր հո­սանք մը գո­յացու­ցին նաեւ ակա­դեմա­կան շրջա­նակ­նե­րու մէջ։ Ու­սա­նող­նե­րու կող­քին դա­սախօս­ներն ալ կը մաս­նակցին հա­մալ­սա­րանա­կան պոյ­քոթնե­րուն։ Այս մա­սին ալ Բարձրա­գոյն Ուսման Խոր­հուրդը յայ­տա­րարու­թիւննե­րով կը փոր­ձէ դա­սախօս­նե­րը զերծ պա­հել բո­ղոքի ալի­քին մաս­նակցե­լէ։

Տնտե­սական հե­տեւանքներ

Քա­ղաքա­պետի բեր­ման են­թարկո­ւելէն ան­մի­ջապէս ետք Իս­թանպու­լի Սա­կարա­նի վրայ վա­ճառո­ւող բաժ­նե­տոմ­սե­րը զգա­լի ան­կում կրե­ցին։

Նոյնպէս թափ ստա­ցաւ ԹԼ-ի ար­ժեզրկու­մը տա­րադ­րա­մի դի­մաց։ Սոյն վե­րիվայ­րումը հա­ւասա­րակշռե­լու հա­մար կեդ­րո­նական դրա­մատու­նը ստի­պուե­ցաւ տա­րադ­րամ թո­ղար­կել եւ պե­տակա­նապատ­կան դրա­մատու­ներն ալ իրենց եւ այլ բաժ­նե­տոմ­սեր գնել։ Ի դէմ այս բո­լորին տնտե­սագէտ­նե­րը կը տե­ղեկաց­նեն բազ­մա­միլիառ ԱՄՆ տո­լարի հա­մազօր սնան­կա­ցում պե­տական գան­ձա­րանէն։

2 Ապի­լի հա­մար գոր­ծադրո­ւած առեւ­տուրի պոյ­քո­թը եւս ազ­դե­ցիկ եղաւ շու­կա­ներու վրայ։ Այդ օր մար­դիկ խու­սա­փեցան ոեւէ բան գնե­լէ եւ շատ մը խա­նութներ ալ ձայ­նակցե­լով կա­տարո­ւած կո­չին խու­սա­փեցան իրենց փեղ­կե­րը բա­նալէ։