Հանրապետական շրջանի Թուրքիոյ պատմութեան ամենամութ էջերէն մէկը կը բացուի 12 Սեպտեմբեր 1980 թուականով։ Այդ օր երկրի զինեալ ուժերը միջամտած էին կառավարութեան աշխատանքներուն եւ բոլոր քաղաքական կուսակցութիւնները արգիլած։ Ապա չորս զօրավարներ ստանձնեցին իշխանութեան ղեկը եւ պատճառ դարձան բազմաթիւ մարդասպանութիւններու։
Անարատ Յղութիւն շէնքի մէջ, իբրեւ անկախ կառոյց մը գործող Յիշողութեան Թանգարանը վերջերս պատրաստեց յիշեալ շրջանին գործադրուած տանջանքներու մասին տեղեկագիր մը։ Տեղեկագրի համաձայն զինուորական իշխանութեան շրջանին 650 հազար անձ բերման ենթարկուած եւ տանջուած է։
Այդ տանջուածներէն կարելի եղած է ցանկագրել 8757 անուն, 478 վայր եւ տանջանքներ գործադրած աւելի քանի 500 պետական պաշտօնեայ։
Յիշողութեան Թանգարանի իրաւաբանական բաժնէն փաստաբան՝ Հիւլյա Տեւէճիի պատրաստած տեղեկագիրը, զինուորական իշխանութեան շրջանին գործադրուած անօրինութիւններու ամենաընդարձակ տեղեկագիրն է։
