Ո՞րն է համարձակութեան ազդակը

Տիյապէքիրի պատմական Սուր թաղի մէջ «Հա­վուշ քա­ֆէ» անուն սրճա­րանը եւ հան­դի­պակած «Քար­կա» հիւ­րա­նոցը երկրորդ ան­գամ է, որ բար­բա­րոս­նե­րու դի­րախ կը դառ­նայ։ Այս մա­սին «Ակօս»ի աշ­խա­տակից Լուսյէն Քո­փար հար­ցազրոյց մը ու­նե­ցած է սրճա­րանի աշ­խա­տակազ­մին հետ, որու շնոր­հիւ ալ աւե­լի կը յստա­կանայ կա­տարո­ւածի էու­թիւնը։

Առա­ջին յար­ձա­կու­մը կա­յացած էր 11 Յու­լի­սին, երբ երեք կրօ­նամոլ բար­բա­րոս­ներ հայ­հո­յանքնե­րով ու հա­լածանքնե­րով խու­ժած էին սրճա­րան եւ բռնու­թիւն գոր­ծադրած աշ­խա­տող­նե­րուն ու յա­ճախող­նե­րուն դէմ։

Նշենք թէ սրճա­րանի դի­մացի հիւ­րա­նոցը կը պատ­կա­նի Թա­հիր Էլ­չիի ըն­տա­նիքին։

Իսկ Թա­հիր Էլ­չի քա­ղաքի Փաս­տա­բան­նե­րու Կա­ճառի նա­խագահն էր, որ մա­հափոր­ձի մը զոհ գնաց խիստ կաս­կա­ծելի պայ­մաննե­րու տակ։

Դէպ­քէն ան­մի­ջապէս ետք ոս­տի­կանու­թիւնը պար­զեց յար­ձա­կող­նե­րու ինքնու­թիւնը, մեկ­նարկեց դա­տական գոր­ծո­ղու­թիւն եւ հա­զիւ ամիս մը անձ, այս ան­գամ 25 Օգոս­տո­սին նոյն ան­ձե­րը նման բնոյ­թով երկրորդ յար­ձա­կում մը կա­տարե­ցին այս եր­կու վայ­րե­րու դէմ։

Յար­ձա­կող­նե­րը այս երկրորդ մի­ջադէ­պին ալ պատ­ճա­ռաբա­նեցին այս նոյն պատ­րո­ւակ­նե­րը, ըսե­լով թէ չեն ու­զեր թա­ղի մէջ իս­լա­մի կա­նոն­նե­րուն հա­կասող հա­գուած­քով փո­ղոց ելած կի­ներ տես­նել։

Ինչպէս երկրի զա­նազան քա­ղաք­նե­րը, այս քրտաբ­նակ քա­ղաքի մէջ ալ իս­լա­մական պահ­պա­նողա­կանու­թիւնը բա­ւակա­նին ու­ժեղ հո­սանք մըն է, որ յա­ճախ լուրջ խնդիր­ներ կ՚ու­նե­նայ ազա­տամիտ շրջա­նակ­նե­րու հետ։ Ճիշդ է, որ քրտա­կան ազա­տագ­րա­կան շար­ժումը այս քա­ղաքէ ներս ու­նի բա­ւական լայն խա­րիսխ մը, բայց յե­տադի­մական­նե­րու ազ­դե­ցու­թիւնն ալ յայտնի իրո­ղու­թիւն է։

Նաեւ նշենք որ առա­ջին յար­ձա­կու­մէն ետք իշ­խա­նու­թիւննե­րը իբ­րեւ կան­խա­միջոց պա­հակ­ներ տե­ղադ­րած էին սրճա­րանի մօ­տակայ­քը եւ ինչ որ տե­ղի ու­նե­ցաւ այդ պա­հակ­նե­րու ներ­կա­յու­թիւնով էր։ Այս ալ մտա­ծել կու տայ թէ նա­խայար­ձակնե­րը նման ան­փութու­թեան հա­մար ու­րիշ լծակ­ներ եւս ու­նին։ Ար­դէն այդ լծակ­նե­րու բա­ցակա­յու­թեան կա­րելի չէր ըլ­լար նման յան­ցա­գոր­ծութե­նէ մը ետք անոնց այսքան շու­տա­փոյթ ազատ ար­ձա­կու­մը։

Միւս կող­մէ քա­ղաքի յա­ռաջ­դի­մական շրջա­նակ­ներն ալ զօ­րակ­ցութեան կը փու­թան կրկնա­կի ան­գամ յար­ձա­կու­մի թի­րախ դար­ձած սրճա­րանին եւ հիւ­րա­նոցին։

Այս պա­հուն յար­ձա­կող­նե­րը կրկին ան­գամ բեր­ման են­թարկո­ւած են եւ այժմ հա­սարա­կու­թիւնը կը սպա­սէ թէ դա­տարան­նե­րը ինչպի­սի՞ դիրք պի­տի բռնեն անոնց դէմ։