Ե. Զօրեանը ներկայացուց Հայկական Համացանցային Համալսարանը

ՎԱՐԴՈՒՀԻ ՊԱԼԵԱՆ 

vardbalian@gmail.com

Հայկական Բա­րեգոր­ծա­կան Ընդհա­նուր Միու­թեան (ՀԲԸՄ) կող­մէ հո­վանա­ւորուող Հայ­կա­կան Հա­մացան­ցա­յին Հա­մալ­սա­րանի (ՀՀՀ) հիմ­նա­դիր եւ տնօ­րէն Երուանդ Զօ­րեանը Եր­կուշաբ­թի օր միօրեայ այ­ցով կը գտնուէր Իս­թանպուլ։ Այ­ցի ըն­թացքին Զօ­րեան Իս­թանպու­լի հայ­կա­կան կրթա­կան հաս­տա­տու­թիւննե­րու ներ­կա­յացու­ցիչնե­րուն հետ հան­դի­պում ու­նե­ցաւ, որու ըն­թացքին ներ­կա­յացուց հա­մալ­սա­րանը ու անոր ըն­ձե­ռած հնա­րաւո­րու­թիւննե­րը, ինչպէս նաեւ անդրա­դար­ձաւ հա­մալ­սա­րանի գոր­ծունէու­թեան մի քա­նի տա­րինե­րու ըն­թացքին ար­ձա­նագ­րած յա­ջողու­թիւննե­րուն եւ ձեռքբե­րումնե­րուն։ ֆե­րիգիւ­ղի «Նա­զար Շի­րինող­լու» սրա­հին մէջ, հիւ­րին հան­դի­պած ու­սուցիչ­նե­րու խումբը անոր ելոյ­թէն ետք հնա­րաւո­րու­թիւն ու­նե­ցաւ իրենք հե­տաքրքրող հար­ցե­րը ուղղե­լ հա­մալ­սա­րանի տնօ­րէնին։ Հան­դիպման ժա­մանակ ար­դէն ակնյայտ էր Պոլ­սի հայ­կա­կան կրթա­կան կեան­քի մէջ ներգրա­ւուած ան­ձանց հե­տաքրքրու­թիւնը ներ­կա­յացուող նիւ­թին շուրջ։

Ինչպէ՞ս ծա­գած է ՀՀՀ-ի գա­ղափա­րը

Ե. Զօ­րեան որո­շում կա­յացու­ցած է ստեղ­ծել Հայ­կա­կան Հա­մացան­ցա­յին Հա­մալ­սա­րանը, քա­նի որ հայ­կա­կան դպրո­ցի պա­կաս եղած է իր իսկ հա­մայնքին մէջ։ Այ­նուհե­տեւ այս հա­մակար­գը սկսած է կի­րառուիլ նաեւ սփիւռքի միւս երկրնե­րուն եւ Հա­յաս­տա­նի մէջ։ Նա­խագ­ծի նպա­տակն է առ­ցանց կրթու­թիւն տրա­մադ­րել հա­յոց լե­զուի, պատ­մութեան, հայ­կա­կան մշա­կոյ­թի եւ շախ­մա­տի բնա­գաւառ­նե­րուն մէջ։ Սփիւռքի բազ­մա­թիւ հա­մայնքնե­րու զրկուած են հայ­կա­կան դպրոց­ներ, հաս­տա­տու­թիւններ ու­նե­նալու հնա­րաւո­րու­թե­նէն։ Հա­մացան­ցա­յին հա­մալ­սա­րանը հնա­րաւո­րու­թիւն կու տայ պահ­պա­նելու մայ­րե­նի լե­զուն եւ մշա­կոյ­թը՝ գտնուելով աշ­խարհի տար­բեր ան­կիւննե­րը։ Այն կը ստեղ­ծէ հա­մացան­ցա­յին դա­սարան­ներ, որուն շնոր­հիւ ծրագ­րին միացած ան­հատնե­ր կը հան­դի­պին միւս մաս­նա­կից­նե­րուն եւ քննար­կումնե­րով կը հա­մալ­րեն իրենց ստա­ցած կրթու­թիւնը։ Համալսարանը կա­մուրջ կը հան­դի­սանայ հայ­կա­կան սփիւռքի տար­բեր գաղ­թօ­ճախ­նե­րու դպրոց­նե­րու մի­ջեւ։ Ան­հա­տական եւ խմբա­կային ծրագ­իրնե­րէն զատ՝ հա­մալ­սա­րանը ու­նի նաեւ ելեկտրո­նային գրքե­րու ար­խիւ, որ հա­սանե­լի է բո­լորին։

Հա­սանե­լի է վեց տար­բեր լե­զու­նե­րով

Հա­մալ­սա­րանը կը ներկայացնէ կրթա­կան ծրագ­իրներ ե՛ւ արե­ւելա­հայե­րէն, ե՛ւ արեւմտա­հայե­րէն սոր­վիլ ցան­կա­ցող­նե­րուն հա­մար։ Բո­լոր ծրագ­իրնե­րը հա­սանե­լի են վեց լե­զու­նե­րով՝ հա­յերէն (արե­ւելա­հայե­րէն եւ արեւմտա­հայե­րէն), անգլե­րէն, ռու­սե­րէն, թրքե­րէն, ֆրան­սե­րէն եւ իս­պա­ներէն։ Նաեւ այս է պատ­ճա­ռը, որ կարճ ժա­մանա­կահա­տուա­ծի մէջ ՀՀՀ-ի կրթա­կան ծրա­գիրը ձեռք բե­րած է ու­սա­նող­ներ գրե­թէ ամ­բողջ աշ­խարհէն։ Թրքե­րէն լե­զուով ու­սուցման առ­կա­յու­թիւնը եզա­կի հնա­րաւո­րու­թիւն է Թուրքիայի հայ­կա­կան հա­մայնքի բո­լոր այն ներ­կա­յացու­ցիչնե­րուն հա­մար, ով­քեր չեն կա­րողա­ցած յա­ճախել հայ­կա­կան կրթա­կան հաս­տա­տու­թիւններ, սա­կայն ցան­կութիւն ու­նին տի­րապե­տելու հա­յերէ­նի։ Հա­յոց լե­զուի, պա­տմու­թեան, մշա­կոյ­թի, ինչպէս նաեւ շախ­մա­տի դա­սեր ներկայացնող հա­մալ­սա­րանն ու­նի նաեւ ազ­գութեամբ ոչ հայ ու­սա­նող­ներ տար­բեր երկրնե­րէն։

Ծրագ­րի հա­մար կը գոր­ծեն տար­բեր կրթա­թոշակ­ներ

Աշ­խարհի շուրջ 75 երկրէն ու­սա­նող­ներ ու­նե­ցող Հայ­կա­կան Հա­մացան­ցա­յին Հա­մալ­սա­րանը պատ­րաստած է մուլտի­մեդիա ելեկտրո­նային գրքեր՝ «Հայ­կա­կան բարձրա­վան­դակ» եւ «Բա­ցայայ­տենք Երե­ւանը» վեր­նագրե­րով։ Այս գրքե­րը ելեկտրո­նային տար­բե­րակով եւ բո­լորո­վին անվճար հա­սանե­լի են բո­լորին։ ՀՀՀ-ի կրթա­կան դա­սըն­թացնե­րէն իւ­րա­քան­չիւրի ար­ժէ­քը 200 ամե­րիկեան տո­լար է, սա­կայն հա­մալ­սա­րանի կրթա­կան ծրագ­րին ընտրուած եւ նիւ­թա­պէս անա­պահով թեկ­նա­ծու­նե­րուն կ՚առա­ջար­կուին տար­բեր կրթա­թոշակ­ներ։ Գե­րազանց առա­ջադի­մու­թիւն ցու­ցա­բերած ու­սա­նող­նե­րը նոյնպէս հնարաւորութիւն կը ստանան անվճար շարունակելու կրթութիւնը։