Դատարանը մերժեց ցեղային գաղտնագիրը

Թուրքիոյ դա­տարան­նե­րը ան­գամ մը եւս անի­մաստ դար­ձուցին Կրթութեան Նա­խարա­րու­թեան պաշ­տօ­նեանե­րու յա­մառօ­րէն հե­տապնդած ցե­ղային գաղտնա­գիրը։ Հա­կառակ որ ՀՏՓ-ի Իս­թանպու­լի պատ­գա­մաւոր Կա­րօ Փայ­լա­նի ջան­քե­րուն շնոր­հիւ Կրթու­թեան Նա­խարա­րը յայ­տա­րարած էր, որ փոք­րա­մաս­նութիւննե­րու դպրոց­նե­րու ար­ձա­նագ­րութեան իրա­ւաս­նութիւ­նը կը պատ­կա­նի տուեալ դպրո­ցի տնօ­րէնու­թեան, Նա­խարա­րու­թեան Շրջա­նային Գրա­սենեակ­նե­րը կը յա­մառին հին կա­նոնին։ Այսպէս վեր­ջին ան­գամ Գա­րակէօզեան եւ Պէզ­ճեան վար­ժա­րան­նե­րու մէջ ու­սա­նող աշա­կերտնե­րու ար­ձա­նագ­րութիւ­նը չե­ղեալ հա­մարող մի­ջամ­տութիւ­նը, այդ աշա­կերտնե­րու ծնող­նե­րուն կող­մէ փո­խադ­րուեցաւ իրա­ւական դաշտ։

Վար­չա­կան Ատեանը բա­ւարա­րուե­ցաւ ծնո­ղաց յայ­տա­րարու­թիւնով եւ որո­շում կա­յացուց, թէ աշա­կերտնե­րը շա­րու­նա­կեն յաճախել իրենց ար­ձա­նագ­րուած դպրոց­նե­րը։

Նաեւ ՎԱ­ՏԻՓ-ի Կրթա­կան Յանձնա­խումբի ան­դամ՝ Կա­րօ Փայ­լան չմկրտուած աշա­կեր­տին հայ­կա­կան դպրոց յա­ճախե­լու մա­սին տուաւ հե­տեւեալ բա­ցատ­րութիւ­նը։ «Ցե­ղային գաղտնա­գիրի կի­րար­կումին ջնջուելէն ետք այս նիւ­թը հայ հա­սարա­կու­թեան ներ­քին խնդի­րը դար­ձած է։ Մենք է, որ որոշ սկզբունքներ պի­տի ձե­ւաւո­րենք։ Այս մա­սին տա­կաւին եզ­րա­կացու­թեան մը չենք յան­գած։ Միայն մէկ ժո­ղով գու­մա­րեցինք եւ հոն առա­ջար­կե­ցինք որ այս մա­սին յանձնա­խումբ մը կազ­մուի։ Նիւ­թին շուրջ վի­ճաբա­նու­թիւննե­րը կը շա­րու­նա­կուին։ Հա­յու­թիւնը հա­րիւր տա­րուան ցրուածու­թիւն մը կ՚ապ­րի։ Այս պայ­մաննե­րու տակ զգոյշ ըլ­լալ պէտք է –ո՞վ հայ է, ո՞վ հայ չէ- որո­շու­մի մը յան­գե­լու պա­րագա­յին։ Յատ­կա­պէս ալ կոր­սուած ինքնու­թիւնը վե­րագտնե­լու աշ­խա­տող մարդկանց նկատ­մամբ աւե­լի հո­գատար պէտք է վարուինք»։