Ատելութեան դէմ պայքար «Բարի»ի միջոցաւ

Հրանդ Տինք Հիմ­նարկի Հա­ւաք սրա­հին մէջ 14-15 Մարտ 2025, Ուրբաթ եւ Շա­բաթ օրե­րուն կ՚անցկա­ցուի «Ատե­լու­թեան խօս­քը. ար­դի քննար­կումներ եւ այ­լընտրա­կան մօ­տեցումներ» խո­րագ­րեալ մի­ջոցա­ռու­մը։ Եր­կու օր տե­ւող ծրագ­րին կը քննար­կո­ւին ատե­լու­թեան խօս­քի սահ­մա­նու­մը, յայտնա­բերու­մը, տար­բեր դի­տարկման աշ­խա­տանքնե­րը եւ բա­նավէ­ճերը։ Ինչպէս նաեւ կ՚առաջ­նորդո­ւին ատե­լու­թեան խօս­քի դէմ պայ­քա­րի այ­լընտրա­կան մօ­տեցումնե­րը։ Մի­ջոցառման ժա­մանակ կը ներ­կա­յացո­ւի Հրանդ Տինք Հիմ­նարկի, Պո­ղազի­չի հա­մալ­սա­րանի եւ Սա­պան­ճը հա­մալ­սա­րանի հա­մագոր­ծակցու­թեամբ մշա­կուած «բա­րի» կո­չեցեալ ար­հեստա­կան բա­նակա­նու­թեան գոր­ծի­քը։ Ծրագ­րին նաեւ կը ներ­կա­յացո­ւին «Թո­ւային թեք­նո­լոկիանե­րը օգ­տա­գոր­ծե­լով՝ ատե­լու­թեան խօս­քի եւ խտրա­կանու­թեան դէմ պայ­քար» ծրագ­րի շրջա­նակին հրա­տարա­կուած Ատե­լու­թեան խօս­քը. ար­դի հար­ցեր եւ քննար­կումներ եւ Ատե­լու­թեան խօս­քի դէմ պայ­քա­րին ար­հեստա­կան բա­նակա­նու­թիւնը. պի­տակա­ւորում, դա­սակար­գում եւ յայտնա­բերում զե­կոյցնե­րը։ Այս մի­ջոցա­ռու­մը կը նո­ւիրո­ւի «Ասու­լիս» Լե­զու, Երկխօ­սու­թիւն, Դե­մոկ­րա­տիա Լա­բորա­տորիայի հիմ­նադրման գա­ղափա­րական նա­խահայ­րին, «Ասու­լիս»ի հիմ­նադրման գոր­ծընթա­ցին բո­լոր որո­նողա­կան հան­դի­պումնե­րուն հիւ­րընկա­լու­թիւն ցու­ցա­բերող, մեր աշ­խա­տանքնե­րուն ու­ղե­ցոյց հան­դի­սացող, այս մի­ջոցառ­ման ժա­մանակ ներ­կա­յացո­ւելիք՝ ատե­լու­թեան խօս­քի յայտնա­բեր­ման հա­մար մշա­կուած «բա­րի» ար­հեստա­կան բա­նակա­նու­թեան գոր­ծի­քի զար­գացման հա­մար Սա­պան­ճը հա­մալ­սա­րանի հետ հա­մագոր­ծակցու­թիւն հաս­տա­տած, ան­ցեալ տա­րի կորսնցու­ցած վար­չութեան ան­դամ՝ փրոֆ. տոքթ. Ֆո­ւադ Քէյ­մա­նի յի­շատա­կին։

Եր­կու օրո­ւայ հա­մար առան­ձին գրանցման ձե­ւաթուղթ կը պա­հան­ջո­ւի։ Գրանցման ձե­ւաթուղթը կրնաք գտնել ծրագ­րի մի­ջոցաւ։