Թուրքիան իր հոգերով

Երբ ընդդի­մադիր կու­սակցու­թիւններ հետզհե­տէ աւե­լի կը բար­ձրաձայ­նեն կան­խա­հաս ընտրու­թեան մը պա­հան­ջը, իշ­խա­նու­թեան շրջա­նակ­ներն ալ ալ աւե­լի կը սաստկաց­նեն դա­տարան­նե­րու մի­ջոցաւ գոր­ծադրո­ւած ճնշումնե­րը։ Նոյ­նիսկ այդ ճնշումնե­րը հետզհե­տէ կը վե­րածո­ւին ծի­ծաղե­լի մե­ղադ­րանքնե­րու։ Այդ ծի­րէն ներս դե­րասա­նու­հի Մե­լիսա Սէօզեն 10 տա­րի առաջ նկա­րահա­նած ժա­պաւէ­նի մը պատ­ճա­ռաւ կ՚ամ­բաստա­նուի ահա­բեկ­չութեան քա­րոզ­չութիւ­նով։ Դա­տախա­զու­թիւնը կը պնդէ թէ ան ֆրան­սա­կան ար­տադրու­թիւն սե­րիալի մը մէջ մարմնա­ւորած էր ԵՓԺ-ի մար­տի­կի մը կեր­պա­րը։

Նոյնքան ծի­ծաղե­լի կեր­պով օրա­կար­գի կը բե­րուի 12 տա­րիներ առաջ պա­տահած «Կե­զի» զբօ­սայ­գիի դէպ­քե­րը, որ­մէ դա­տարան­նե­րը կը փոր­ձեն գոր­ծող կա­ռավա­րու­թիւնը գա­հըն­կէց ընե­լու փաս­տեր ձեռքբե­րել։

Ալ չենք խօ­սիր նա­խագա­հը անար­գե­լու մե­ղադ­րանքով յա­րու­ցո­ւած բազ­մա­թիւ դա­տերու մա­սին, որոնց մե­ղադ­րեալ­նե­րը մերթ քա­ղաքա­կան գոր­ծիչներ են, մերթ ալ հա­սարակ մար­դիկ կամ նոյ­նիսկ ան­չա­փահաս պա­տանի­ներ։ Շա­տեր կը դժո­ւարա­նան այս մի­ջավայ­րի բա­ցատ­րութիւ­նը մեկ­նա­բանե­լէ եւ ընդհան­րա­պէս կը հա­մաձայ­նին թէ կա­ռավա­րու­թիւնը տի­րող ահ­րեի սղա­ճի դէմ կը փորձէ երկրի օրա­կար­գը շե­ղել դէ­պի այլ խնդիր­ներ։

Ամէն պա­րագա­յի տնտե­սական ճգնա­ժամի առու­մով Թուրքիա կը շա­րու­նա­կէ մնալ աշ­խարհի ամե­նաան­կա­յուն քա­նի մը եր­կիրնե­րու կարգին։