Ենիգիւղի թաղականներու հրաժարումը վաւերացուեցաւ

ԻՇԽԱՆ ԷՐՏԻՆՉ

Թերթիս նա­խորդ թի­ւերուն մէջ անդրա­դար­ձած էինք Ենի­գիւ­ղի Գիւտ Տփոյ Սուրբ Աս­տո­ւածած­նի Եկե­ղեց­ւոյ թա­ղական խոր­հուրդի կազ­մէն 6 ան­դամնե­րու հրա­ժար­ման նի­թին։ 20 Նո­յեմ­բեր 2022-ին կա­յացած ընտրու­թիւնով թա­ղական հան­դի­սացող­նե­րէն Արա­րատ Կիւրկէն, Արէթ Քիս, Լին­տա Չե­թին­քա­յա, Լո­րի Զօր­վա­րեան եւ Թա­մար Սի­նանօղ­լու Կէօք­չէօղ­լու հրա­ժարա­կան ներ­կա­յացու­ցին՝ պատ­ճա­ռաբա­նելով թէ թա­ղակա­նու­թեան կազ­մին մէջ իրենց կար­ծիքնե­րը չեն լսո­ւիր։

Անոնք դժգո­հած էին թէ աւան­դա­պաշտ մեր­ձե­ցու­մով գոր­ծող թա­ղակա­նու­թիւնը զի­րենք կը դի­տէ իբ­րեւ կա­նանց եւ երի­տասար­դաց յանձնա­խումբ ըլ­լա­լով։

Հրա­ժարա­կանին հրա­պարա­կու­մէն ետք թա­ղական խոր­հուրդի ատե­նապետ Կար­պիս Գա­լայ­ճեան փոր­ձեց հրա­ժարեալ­նե­րու յետսկո­չու­մը ապա­հովել, բայց երբ ապար­դիւն մնաց, այս ան­գամ Վա­քըֆ­նե­րու Ընդհա­նուր Տնօ­րէնու­թեան փո­խան­ցեց վեց ան­դամնե­րու հրա­ժարա­կան­նե­րը եւ յայ­տա­րարեց թէ մնա­ցեալ հինգ ան­դամնե­րով պի­տի շա­րու­նա­կեն իրենց ստանձնած պար­տա­կանութիւնը։