Գործ՝ առանց աղմուկի

Շիշլիի քաղաքապետարանը վերջերս թափ տուած է Պոլ­սոյ կա­րեւո­րագոյն թա­ղամա­սերէն հան­դի­սացող իր պա­շտօնա­վար­ման շրջա­նին մէջ մշա­կու­թա­յին ու գե­ղարո­ւես­տա­կան մի­ջոցա­ռումնե­րու։ Մեր նա­խորդ հա­մար­նե­րուն մէջ անդրդար­ձած էինք քա­ղաքա­պետա­րանի գոր­ծող լրագ­րողնե­րու յի­շատակ­ման օրո­ւայ առ­թիւ կազ­մա­կեր­պած ասու­լի­սին։ Քա­ղաքա­պետա­րանը Ամա­նորի նա­խօրէին ընթրիքի յա­տուկ ըն­դունե­լու­թիւնով մը պա­տուած էր նաեւ փոք­րա­մաս­նութիւննե­րու պատ­կա­նող մա­մու­լի գոր­ծիչնե­րը։ Այդ ընթրի­քին ար­դէն յայ­տա­րարած էր թէ քա­ղաքա­պետա­րանի ջան­քե­րով պի­տի բե­մադ­րո­ւէր «Եոլ­ճու» թա­տերա­խումբի նա­խաձեռ­նութեամբ կեան­քի կո­չուած «Կո­միտաս» բե­մադ­րութիւ­նը։

Ու­րե­խու­թեամբ վե­րահա­սու կ՚ըլ­լանք թէ այդ ծրա­գիրը պի­տի կա­տարուի այս ուրբաթ ժամ 20.30-ին, Ճե­միլ Ճան­տաշ հա­մեր­գասրա­հին մէջ։ Նշենք որ այս բե­մադ­րութիւ­նը նա­խապէս բա­զում ան­գամներ կրկնո­ւած էր Աթո­ռանիստ Մայր Եկե­ղեց­ւոյ հա­մալի­րին մէջ գոր­ծող Մես­րոպ Մու­թա­ֆեան մշա­կոյ­թի սրա­հի բե­մին վրայ։

Բարձր գնա­հատան­քի ար­ժա­նի է քա­ղաքա­պետ Մու­ամմէր Քես­քի­նի նա­խաձեռ­նութիւննե­րը, որոնք կը գե­րազան­ցեն քա­ղաքա­պետա­կան ծա­ռայու­թեան սահ­մաննե­րը եւ կը նպաս­տեն նաեւ թա­ղեցի­ներու մշա­կու­թա­յին կա­րիք­նե­րը հո­գալու։

Նոյն ծի­րէն ներս պէտք է նկա­տել նոյն թա­ղամա­սի նախ­կին քա­ղաքա­պետ­նե­րէն դե­րասա­նու­հի Ֆաթ­մա Կի­րիքի յի­շատակ­ման մի­ջոցա­ռու­մը։ Կի­րիք եւս կը յի­շուի այս թա­ղի մէջ իր ու­նե­ցած կա­րեւոր ծա­ռայու­թիւնով։ Ան բա­ցի շար­ժանկա­րի կա­րող դե­րասա­նու­հիի կեր­պա­րէն, կը յի­շուի նաեւ քա­ղաքա­պետի իր լուրջ ու կա­ռու­ցո­ղական ծա­ռայու­թիւնով։ Կի­րիք յա­ջողած էր թա­ղի սո­վորա­կան բա­զարը կա­յուն տեղ մը փո­խադ­րել եւ այդ վայ­րին մէջ ալ բնա­կան սննդամ­թերքի, հնա­վաճա­ռու­թեան եւ կա­նանց ձե­ռագոր­ծութեան յա­տուկ տա­ղաւար­ներ կազ­մա­կեր­պել։ Շիշ­լիի այս առանձնա­յատ­կութիւ­նը թա­ղին յա­տուկ նշա­նակու­թիւն մը եւս կը շնոր­հէ։

Քա­ղաքա­պետա­րանը վեր­ջա­պէս իր այս շար­քի գոր­ծունէու­թիւննե­րուն նոր օղակ մը եւս ագու­ցած եղաւ հան­րա­ծանօթ լրագ­րող Ու­ղուր Մումճո­ւի մա­հուան տա­րելի­ցին առ­թիւ կազ­մա­կեր­պած մի­ջոցա­ռու­մով։ Մումճու Թուրքիոյ մէջ ծա­նօթ է հե­տազօ­տիչ լրագ­րո­ղու­թեան աւան­դի մը հիմ­նա­դիրը ըլ­լա­լով։ Ան չէր ար­տօ­նէր որ իր մշա­կած նիւ­թե­րը մո­ռացու­թեան մատ­նո­ւին օրա­թեր­թի էջե­րուն վրայ։ Յա­րատեւ կեր­պով կը շա­րու­նա­կէր իր պրպտումնե­րը եւ այսպէ­սով ալ ապա­հոված կ՚ըլ­լար զա­նազան գայ­թակղու­թիւննե­րու բա­ցայայ­տումը։

Ան­ցեալին ակա­նատես եղած էինք ամ­բո­խավար մեր­ձե­ցումնե­րով հասա­րակու­թիւնը սի­րաշա­հիլ փոր­ձող քա­ղաքա­պետ­նե­րու կեր­պա­րին։ Մու­ամմէր Քես­քին լուրջ հա­կադ­րանք մըն է, այդ փա­ղան­գին դի­մաց, որ կ՚ընէ իր պար­տա­կանու­թիւնը ամ­բողջա­կան գի­տակ­ցութիւ­նով։

Մենք եւս կը շնոր­հա­ւորենք քա­ղաքա­պետը, իր հիմնական ծառայութիւններու կողքին մշակութային այս ձեռնարկներու կա­տարու­մին համար։