Մեղադրեալները ազատ արձակուած

Հրանդ Տինք Հիմ­նարկի եւ փաս­տա­բան­նե­րուն ուղղեալ մա­հուան սպառ­նա­լիք­նե­րու դա­տավա­րու­թիւնը սկսաւ։ Իս­թանպու­լի 56-րդ Հի­մանա­կան Պատ­ժա­կան Ատեանի նիս­տին Ֆեդ­հի­յէ Չե­թինը պաշտպա­նելու հա­մար Տե­նիզ Թու­նա Տինք եւ փաս­տա­բան­ներ Սե­պուհ Աս­լանկիլ ու Ֆաթ­մա Սաղ­լամ ներ­կայ գտնո­ւեցան։ Մե­ղադ­րեալ­ներն ալ պաշտպա­նուե­ցան դա­տարա­նի կող­մէ նշա­նակո­ւած փաս­տա­բանի մը կող­մէ։ Մեղդրեալ­ներ Հիւ­սէ­յին Աթէշ եւ Էր­սին Պաշ­քան նիս­տին մաս­նակցե­ցան տե­սալ­սո­ղական դրու­թեամբ։ եր­կուքն ալ յայտնե­ցին թէ իրենց ղրկած գրա­ռումնե­րը հա­կազ­դե­ցու­թիւն մըն էին։ Հիւ­սէ­յին Աթէշ յայտնեց թէ Ղա­րաբա­ղի հետ առնչո­ւած վի­տէօներ դի­տելէ ետք զան­գա­հարած է Հրանդ Տինք Հիմ­նարկին, բայց ոչ ոք պա­տաս­խա­նած է իրեն։ Ան նաեւ յայտնեց թէ հո­գեբու­ժա­կան դե­ղեր կ՚օգ­տա­գոր­ծէ։ Եր­կու մե­ղադ­րեալ­ներ ազա­տու­թիւն պա­հան­ջե­ցին։ Նիս­տի աւար­տին եր­կու մե­ղադ­րեալ­ներն ալ ազատ ար­ձա­կուե­ցան։ Էրսին Պաշ­քան կը մե­ղադ­րո­ւի նաեւ Հան­րա­պետու­թեան նա­խագա­հի, հա­յոց եւ Ազ­գա­յին Լրա­քաղու­թեան Կազ­մա­կեր­պութեան դէմ գրա­ռումներով։