«Ոսկէ ծիրան» կինոյի զարգացման ֆոնդի եւ «Անատոլու Քիւլթիւր» հասարակական կազմակերպութեան կողմէ 2009-ին հիմնադրուած Հայաստան- Թուրքիա կինօփլաթֆորմը կ՚աջակցի Հայաստանի եւ Թուրքիոյ միջեւ համատեղ կինօարտադրութեան կայացման։ Հարթակը կը ծառայէ որպէս աշխատանքային միաւորում երկու երկրներու կինոյի մասնագէտներուն համար: ATCP-ն ուղղուած է ազգամիջեան բազմակողմանի մշակութային համագործակցութեան, փոխանակման, մասնագիտական դասընթացներու կազմակերպման ու գիտելիքի տարածման: Սկզբնաւորման օրուանէն ATCP-ի շրջանակներու մէջ 24 կարճամեթրաժ Ֆիլմ եւ վաւերագրական կինօնախագիծ իրականացուած է, եղած է աւելի քան 270 միջպետական այցելութիւն, պատրաստուած եւ ներկայացուած է առաջին հայ-թուրքական կինօալմանախը: Այսօր ATCP-ն երկու երկրներէն աւելի քան 270 մասնակիցներու լիարժէք մասնագիտական ցանց է, որու ֆիլմերը ցուցադրուած են բազմաթիւ կինօփառատօներուն եւ մշակութային կեդրոններուն, ձեռք բերած լայն հանդիսատես ողջ աշխարհի մէջ:
2018թ. Հայաստան- Թուրքիա կինօփլաթֆորմը տեղի կ՚ունենայ Երեւանի մէջ Յուլիսի 10-11-ին: Մասնագէտներու խումբը կ՚ընտրէ 5 նախագիծ Հայաստանէն եւ Թուրքիայէն (կամ երկու երկրներու սփիւռքէն): Աշխատարանի աւարտին լաւագոյն նախագիծը կ՚արժանանայ 7.000 եւրօ մրցանակի:
Մասնակցութեան չափանիշներ եւ կանոնակարգ.
Մասնակցութեան ենթակայ են կարճամեթրաժ եւ վաւերագրական ֆիլմերը Նկարահանող խումբը պէտք է ընդգրկէ մասնագէտներու թէ՛ Հայաստանէն, թէ՛ Թուրքիայէն, ֆիլմը պէտք է համատեղ արտադրութիւն ըլլայ երկու երկրներու միջեւ: Համատեղ արտադրութեան չափաբաժիններու մանրամասներուն ծանօթանալու համար այցելեցէք ծրագրի պաշտօնական կայքի Ֆիլմարտադրութիւն բաժինը:
ATCP-ն հոգալու է իւրաքանչիւր նախագծի միայն մէկ ներկայացուցչի (պրոդյուսեր/համա-պրոդյուսեր կամ ռեժիսոր) ճանապարհածախսը եւ կեցութիւնը Երեւանի մէջ։
Ծրագրի աշխատանքային լեզուն անգլերէնն է: Ծրագրերու ներկայացման ժամանակ անհրաժեշտութեան դէպքին կարող է թարգմանիչ տրամադրել, սակայն ընդհանուր աշխատարանը թարգմանութեամբ չի ուղեկցիր:
Մրցանակակիր ֆիլմի նկարահանումները պէտք է աւարտուած ըլլան մինչեւ 2019-ի Սեպտեմբեր։ ATCP-ի մասնակից ֆիլմերը պէտք է մակագրերու մէջ նշեն փլաթֆորմի մէջ իրենց մասնակցութեան մասին:
Յայտերի ընդունման վերջնաժամկէտը 2018թ. Յունիսի 24-ն է: Ընտրուած նախագծերու հեղինակները կը տեղեկացուին 2018թ. Յունիսի 30-ին: Այս միջոցառումը կ՚իրականացուի «Աջակցություն Հայաստան-Թուրքիա կարգաւորման գործընթաց» ծրագրի շրջանակներուն` Եւրոպական միութեան եւ Շվեդիայի արտաքին գործերու Նախարարութեան ֆինանսական աջակցութիւնով։
