ՀԱՅԱՍՏԱՆՑԻ ԳԱՂԹԱԿԱՆՆԵՐ

«Հրանտ Դինք» հիմնադրամի և Համազգային հայ կրթական և մշակութային միության համատեղ ջանքերով Ստամբուլում կազմակերպված «Հայկական ինքնության քննական մոտեցումները 21-րդ դարում. խոցելիություն, առաձգականություն, փոխակերպություն» խորագրով միջազգային գիտաժողովի ընթացքում Օքսֆորդի համալսարանի շրջանավարտ, երիտասարդ հայ ուսումնասիրող Հրակ Փափազյանը ներկայացրեց իր «Հայերն ու այլ հայերը Թուրքիայում» վերնագրով աշխատությունը, որը դոկտորական աշխատության նախնական ուսումնասիրության տվյալների վրա է հիմնված։ Դոկտորական աշխատության համար Հ.Փափազյանը երկար ժամանակ անցկացրել է Թուրքիայում` շփվելով տեղի հայերի տարբեր խմբերի հետ: