Մեկնարկեց ոգեկոչումներու շաբաթը

Այդ անի­ծեալ օրէն 18 տա­րիներ ետք Հրանդ Տին­քի յի­շատա­կը կը ոգե­կոչուի նոյն կսկի­ծով ու վճռա­կամու­թեամբ։

2025-ի 19 Յու­նո­ւարին, մեծ բազ­մութիւ­նը դար­ձեալ պի­տի մէկ­տե­ղուի «Ակօս»ի նախ­կին խմբագ­րա­տան առ­ջեւ, ճիշդ սպա­նու­թեան պա­հուն յոտնկայս յի­շատա­կելու հա­մար Հրան­դը։

Իրա­կանու­թեան մէջ Հրանդ Տին­քի յի­շատա­կու­մը սեհ­մա­նուած չէ «Ակօս»ի առ­ջեւ կա­յացող հան­րա­հաւա­քով։ Ան մօ­տաւո­րապէս եր­կու շա­բաթ­նե­րու հաս­նող մի­ջոցա­ռումնե­րու շարք մըն է, որ կ՚իրա­կանա­նայ տար­բեր ձե­ւաչա­փերով։

Ար­դա­րեւ այս տա­րի ալ խմբագ­րա­տան մէջ յա­ճախ կ՚ու­նե­նանք այ­ցե­լու­ներ, որոնք այս կամ այն լրա­տու գոր­ծա­կալու­թեան հաշ­ւոյն կ՚ու­զեն զրու­ցել «Ակօս»ի անձնա­կազ­մին հետ, Հրան­դի աւան­դը կի­զակէ­տին ու­նե­ցող ծրա­գիր­ներ պատ­րաստե­լու հա­մար։

Երկրի տար­բեր քա­ղաք­նե­րուն, նոյ­նիսկ աշ­խարհի տար­բեր եր­կիրնե­րուն մէջ կը շա­րու­նա­կուի 19 Յու­նո­ւարին Հրանդ Տին­քը յի­շատա­կելու ձօ­նուած մի­ջոցա­ռումնե­րը։

Այս տա­րի Հրանդ Տինք Հիմ­նարկը ամ­բողջ շա­բաթ մը տե­ւողու­թեամբ կազ­մա­կեր­պեց զա­նազան ասու­լիսներ, տար­բեր խո­րագիր­նե­րով եւ ատե­նախօս­նե­րով։

Այդ շար­քի առա­ջինը կա­յացաւ 13 Յու­նո­ւար եր­կուշաբ­թի, ուր բո­վան­դա­կալից «Հրանդ» մե­նագ­րութեան հե­ղինակ Թուղպա Չան­տար եւ թեր­թիս բազ­մա­մեայ աշ­խա­տակից Գա­րին Գա­րագաշ­լը զրու­ցե­ցին Հրան­դի եւ «Ակօս»ի հիմ­նադրու­թեան շրջա­նին մա­սին։

Երեք­շաբթի օրո­ւայ ատե­նախօսն էր վա­ւերագ­րա­կան ֆիլ­մե­րու հե­ղինակ Իւ­միթ Քը­վանչ։ Ներ­կայնե­րը նախ դի­տեցին Քը­վան­չի «Յի­շողու­թիւնը Ան­բա­ւարար» անուն ֆիլ­մը, ապա լսե­ցին անոր փո­խան­ցած տե­ղեկու­թիւննե­րը, սոյն ֆիլ­մի պատ­րաստման փու­լե­րու մա­սին։ «Հրանդ որ­քան որ կը գրէր, նոյնքան կամ նոյ­նիսկ աւե­լի կը խօ­սէր նաեւ։ Ու­րեմն կա­րեւոր էր Հրան­դի խօս­քը եւս լսե­լի դարձնել յա­ջորդ սե­րունդնե­րու» ըսաւ Իւ­միթ Քը­վանչ։

Շաբ­թո­ւայ եր­րորդ ծրա­գիրը ու­նէր չորս ատե­նախօս­ներ։ Ժիւ­լի­տէ Քու­րալ, Ֆեթ­հի­յէ Չե­թին, Այ­շե­կիւլ Ալ­թը­նայ եւ Բագ­րատ Էս­դուգեան, Այ­ֆեր Պար­թու Ճան­տա­նի ժո­ղովա­վարու­թեամբ ար­տա­յայ­տո­ւեցան հա­յերէն տպա­գիր մա­մու­լի մէջ լոյս տե­սած «Հա­րազատ­նե­րը կը փնտռեն» ազ­դե­րու շուրջ։

16 Յու­նո­ւար հինգշաբ­թի Ալի Պայ­րա­մօղ­լու, Հիւլյա Տե­վէճի եւ Իպ­րա­հիմ Քա­պօղ­լու Ըշըն Էլի­չինի ժո­ղովա­վարու­թեամբ խօ­սեցան քա­ղաքա­կան բնոյ­թով ոճիր­նե­րու գոր­ծադրու­թեան ըն­թացքին հա­սարա­կու­թեան մատ­նո­ւած հո­գավի­ճակի մա­սին։

Ուրբաթ եւ շա­բաթ օրե­րը յատ­կա­ցուած է հիմ­նարկի ծա­ռայու­թիւննե­րուն ծա­նօթաց­ման ուղղեալ մի­ջոցա­ռումնե­րուն։

Այս բո­լորէն բա­ցի զա­նազան հաս­տա­տու­թիւններ, միու­թիւններ կամ հար­թակներ երկրի տար­բեր ան­կիւննե­րու մէջ ձեռ­նարկած են յա­տուկ մի­ջոցա­ռումնե­րու, որոնց բո­լորին ալ առանցքը կը կազ­մեն Հրանդ Տին­քի մղած ար­դա­րու­թեան պայ­քա­րը։

Նշենք որ այս բնոյ­թի մի­ջոցա­ռումնե­րու շար­քը պի­տի շա­րու­նա­կուի 19 Յու­նուարին յա­ջոր­դող օրե­րուն եւս։