Խենթանոցի համայնապատկերը

«Ռուտավ» լրա­տուա­կան գոր­ծա­կալու­թեան մի­ջոցաւ վե­րահա­սու կ՚ըլ­լանք Էտիր­նէի բան­տին մէջ ազա­տազրկո­ւած քիւրտ քա­ղաքա­կան գոր­ծիչ Սե­լահատ­տին Տե­միր­թա­շի վեր­ջին զար­գա­ցումնե­րու մա­սին կար­ծիքնե­րուն։

Լրագ­րող Սըտ­տըք Զի­լան մօտ եր­կու ժամ զրու­ցած է Տե­միր­թա­շի հետ եւ ապա մա­մու­լին փո­խան­ցած անոր յայ­տա­րարու­թիւննե­րը։

Զրոյ­ցը ըն­թա­ցած է Ազ­գա­յին Շար­ժում Կու­սակցու­թեան պետ Տեվ­լեթ Պահ­չե­լիի անակնկալ յայ­տա­րարու­թիւննե­րուն տե­ղի տո­ւած քա­ղաքա­կան պղտո­րու­թեան շուրջ։ Ինչպէս ծա­նօթ է, Պահ­չե­լի յան­կարծա­կիօրէն հրա­ւէր մը ուղղեց մե­կու­սացման պայ­մաննե­րու մէջ բան­տարկուած Ապ­տուլլահ Էօճա­լանին։ «Թող գայ Խորհրդա­րան, ՏԵՄ կու­սակցու­թեան դահ­լի­ճէն յայ­տա­րարէ թէ լու­ծարկած է իր գլխա­ւորած Քրտա­կան Բա­նուո­րական Կո­ւասկցու­թիւնը։ Ան­կէ ետք ինք նաեւ կրնայ օգ­տո­ւիլ ներ­ման մի­ջոց­նե­րէն», ըսած էր Պահ­չե­լի։

Այս յայ­տա­րարու­թե­նէ ետք հնչե­ցին բազ­մաբնոյթ կան­խա­տեսումներ։ Շա­տեր հա­մոզո­ւած էին թէ այս առա­ջար­կը մեկ­նա­կէտն էր խա­ղաղու­թեան տա­նող նոր գոր­ծընթա­ցի մը։ Ոմանք հա­մոզո­ւած էին թէ Պահ­չե­լի այս յայ­տա­րարու­թիւնը կ՚ընէր նա­խագահ Էր­տո­ղանի հետ հա­մաձա­նելով։

Միւս կող­մէ շա­տեր ալ կը պնդէին թէ Էր­տո­ղան տե­ղեակ չէր Պահ­չե­լիի յայ­տա­րարու­թե­նէն։

Դար­ձեալ հա­մատա­րած կար­ծիք ձե­ւաւո­րուե­ցաւ, այն մեկ­նա­բանու­թեամբ, ըստ որու Էր­տո­ղան այս մի­ջոցաւ պի­տի ապա­հովէ քիւ­տե­րու աջակ­ցութիւ­նը եւ կան­խա­հաս ընտրու­թիւն մը կազ­մա­կեր­պե­լով պի­տի շա­րու­նա­կէ նա­խագա­հական պաշ­տօ­նը։

Ճիշդ այդ փո­թոր­կոտ օրա­կար­գի վրայ եկաւ աւել­նա­լու ընտրո­ւած քա­ղաքա­պետ­նե­րու տեղ պե­տական պաշ­տօ­նեանե­րը տե­ղապահ նշա­նակե­լու որո­շու­մը։

Այս ըն­թացքը սկսաւ Ժո­ղովրդա­հան­րա­պետա­կան Կու­սակցու­թեան նո­ւաճած Էսէն­յութէն, որուն յա­ջոր­դե­ցին ՏԵՄ կու­սակցու­թեան նո­ւաճած Մար­տին, Պաթ­ման եւ Հալ­ֆե­թիի քա­ղաքա­պետա­րան­նե­րը։

Յայտնի է որ Էր­տո­ղան կը շա­րու­նա­կէր լա­րուած քա­ղաքա­կանու­թիւն մը։

Այս բո­լորին վրայ եկաւ աւել­նա­լու յա­տուկ հի­ւան­դա­նոց­նե­րէ ներս նո­րածին­նե­րու շա­հագոր­ծումով կա­տարո­ւած զեղ­ծա­րարու­թիւն։ Բժիշկներ ապա­հովագ­րութեան ըն­կե­րու­թե­նէն դրամ շոր­թե­լու հա­մար առողջ ծնած նո­րածին­նե­րը առաջ­նորդած են խտա­ցեալ դար­մա­նու­մի։ Անոնցմէ ոմանք այդ դար­մա­նու­մի ըն­թացքին մա­հացած են։ Շու­տով պար­զո­ւեցաւ թէ յա­տուկ հի­ւան­դա­նոց­նե­րէ ներս այս տե­սակաի զեղ­ծա­րարու­թիւննե­րը սահ­մա­նուած չեն նո­րածին­նե­րով։ Յայտնա­բերո­ւած են բազ­մա­թիւ կեղծ գոր­ծո­ղու­թիւննե­րու դէպ­քեր եւս։

Վե­րադառ­նանք գրու­թեան սկզբին, Տե­միր­թաշ կը յայտնէ թէ պե­տու­թեան Քրտա­կան Բա­նուո­րական Կո­ւասկցու­թեան հետ հա­մաձայ­նի­լը նշա­նակու­թիւն չու­նի, էակա­նը քիւրտ ժո­ղովուրդին հա­ւասար քա­ղաքա­ցիի իրա­ւունքնե­րուն տի­րանալն է։

Խեն­թա­նոցի հա­մայ­նա­պատ­կե­րը եզ­րա­փակե­լու հա­մար ԱՄՆ Զե­լենսքիին ար­տօ­նեց իր տրա­մադ­րաց հե­ռահար հրթիռ­նե­րը օգ­տա­գոր­ծել Ռու­սիոյ տա­րած­քին ալ։ Փու­թի­նի պա­տաս­խա­նը եղաւ հիւ­լէական զէն­քե­րու շա­հագործման խա­ղաքար­տը։