Լեւոն արք. Զէքիեան հրաժարած

Գերպ. Հ. Լե­ւոն արք. Զէ­քիեան հրա­ժարած է Թուրքիոյ Հայ Կա­թողի­կէ Հա­յոց Վի­ճակա­ւոր-Առաջ­նորդի իր պաշ­տօ­նէն։ Գե­րապայ­ծառ Զէ­քիեան իր հրա­ժարու­մը կը բա­ցատ­րէ յա­ռաջա­ցած տա­րիքով եւ առհասարակ կաթողիկէ եկեղեցւոյ մէջ տիրող համակարգով, որ ծառայութեան համար կը սահմանէ 75 ամեակը։ Ան կը յա­ւելէ թէ պաշ­տօ­նավա­րու­թեան ըն­թացքին շա­րու­նա­կած է իր իսկ հիմ­նած Վե­նետի­կեան հա­յագի­տական խտա­ցեալ ամառ­նա­յին դա­սըն­թացքնե­րը։ «Այդ առու­մով տա­րուայ երեք ամիս­նե­րը կ՚անցնէի Վե­նետիկ, իսկ ինը ամիս­նե­րը Պոլ­սոյ մէջ։ Այս դրու­թիւնով պի­տի շրջի հա­մեմա­տու­թիւնը եւ ինը ամիս­ներ պի­տի անցնեմ Վե­նետիկ եւ երեք ամիս­ներ Պո­լիս» կ՚ըսէ Զէ­քիեան սրբա­զան։

Ան նաեւ կը նշէ Վե­նետի­կի իր գրա­դարա­նը, որ այս որո­շու­մին դրդա­պատ­ճառնե­րէն մէ­կը հան­դի­սացած է։ «Եթէ կա­րելի ըլ­լար այդ բազ­մա­հազար գիր­քե­րէ բաղ­կա­ցող գրա­դարա­նը Իս­թանպուլ տե­ղափո­խել, դար­ձեալ աւե­լի եր­կար ժա­մանա­կով կրնա­յի Պո­լիս մնալ։ Բայց քա­նի որ այդ մէ­կը հա­մարեա ան­կա­լի է, պի­տի հա­մակեր­պիմ պայ­մաննե­րու թե­լադ­րանքին։ Քան­զի տա­կաւին կի­սաւարտ գոր­ծեր ու­նիմ, որոնք կը կա­րօտին աշ­խա­տան­քի եւ այդ աշ­խա­տան­քը ան­կա­րելի է գրա­դարա­նէ զուրկ մնա­լով իրա­կանաց­նել»։ Այս բա­ցատ­րութե­նէ ետք սրբա­զանը նշեց թէ իրեն յա­ջոր­դող անու­նին հա­մար պի­տի սպա­սուի Պա­պական հրա­հանգը։