ԷՐՎԱՊ-ի հերթական ժողով

Թուրքիոյ հայ հիմ­նադրամ­նե­րու միացեալ հար­թա­կը ԷՐ­ՎԱՊ, 13 Նո­յեմ­բեր եր­կուշաբ­թի օր, Սուրբ Փրկիչ Հի­ւան­դա­նոցի «Կո­միտաս» սրա­հին մէջ ժողով գու­մա­րելով քննար­կեց օրա­կար­գի նիւ­թե­րը։ Ժո­ղովի մա­սին «Ակօս»ին տե­ղեկու­թիւններ փո­խան­ցած ԷՐ­ՎԱՊ-ի ընդհա­նուր քար­տուղար Լե­ւոն Պերճ Գու­զի­քօղ­լու յայտնեց թէ Ելմտա­կան յանձնա­խումբի պետ Հեր­ման Կիւրճիեան եւ Երկրա­շար­ժի յանձնա­խումբի պետ Գէորգ Էօզ­գա­րակէօզ բա­ցատ­րութիւններ տո­ւին իրենց աշ­խա­տու­թիւննե­րուն մա­սին։

Էօզ­գա­րակէօզ յայտնեց թէ դպրո­ցի շէն­քե­րուն երկրա­շար­ժի դի­մադ­րութեան փոր­ձե­րը վեր­ջա­ցած են եւ այդ շէն­քե­րէն 70 տո­կոսը ապա­հով դիր­քի մէջ։ Մնա­ցեալ­նե­րու հա­մար կը նա­խատե­սուի շէն­քե­րու ամ­րացման գոր­ծընթաց մը։ Գու­զի­քօղ­լու նաեւ հա­ղոր­դեց թէ քա­ղաքիս հայ դպրոց­նե­րու տնօ­րէն­ներ, խնա­մակա­լու­թեան կամ թա­ղակա­նու­թեան ատե­նապետ­ներ ու հիմ­նա­դիրի ներ­կա­յացու­ցիչներ 17 Նո­յեմ­բեր ուրբաթ օր պի­տի մաս­նակցին Կրթու­թեան նա­խարար Եու­սուֆ Թե­քինի հետ խորհրդակ­ցա­կան ժո­ղովի մը։

ԷՐ­ՎԱՊ-ի ժո­ղովի ըն­թացքին չէ խօ­սուած հի­ւան­դա­նոց­նե­րու հո­գաբար­ձութեանց ընտրու­թեան խնդի­րը։