Համագործակցութիւն «Արաս»ի եւ «Իսթոս»ի

12եւ 13 Ապ­րիլ օրե­րուն յու­նաց Քուրթու­լուշ մար­զա­կումբի մէջ կա­յացան «Արաս» եւ «Իս­թոս» հրա­տարակ­չութիւննե­րու նա­խաձեռ­նութեամբ կեան­քի կո­չուած եր­կօ­րեայ մի­ջոցա­ռումներ։

Շա­բաթօ­րեայ մի­ջոցառ­ման առանցքը կը կազ­մէր Պոլ­սա­հայ բեմին վե­րաբե­րեալ երու նո­րատիպ գիր­քեր։ Առա­ջինը ըն­թերցո­ղին կը ծա­նօթաց­նէր դե­րասա­նու­հի Արու­սեակ Փա­փազեանը իբ­րեւ նա­խայար­ձակ դէմք մը, որ քա­ջու­թիւնը ու­նե­ցաւ որ­պէս կին կեր­պար բեմ ել­լե­լու։ Այս նիւ­թով «Արաս» հրա­տարակ­չա­տան խմբա­գիր Նես­րին Ու­չարլար զրու­ցեց գիր­քի հե­ղինակ Տոքթ. Պար­գեւ Պա­լըմեանի հետ։

Երկրորդ գիր­քը Երո­ւանդ Թո­լաեանի «Կավ­ռօշնա­մէ»ն էր։

Թա­տերա- խմբագ­րա­կան յի­շողու­թիւննե­րու բո­վան­դա­կու­թեամբ այս հա­տորը Հեն­րիկ եւ Ար­ծո­ւի Բաղ­չի­նեան­նե­րու աշ­խա­տասի­րու­թեան ար­դիւնք է, որու մա­սին զրու­ցե­ցի Պէ­թիւլ Պա­քըր­ճը հետզհե­տէ պոլ­սա­հայ թատ­րո­նի պատ­մագրու­թեան նո­ւիրո­ւած Նե­սիմ Օվա­տիա Իս­րա­յէլի հետ։

Անոնք անդրա­դար­ձան Կավ­ռօշ ծած­կա­նու­նով ծա­նօթ Երո­ւանդ Թո­լաեանի հրա­տարա­կիչ եւ դե­րասան յատ­կա­նիշ­նե­րուն։

Օրո­ւայ եր­րորդ ատե­նախօսն էր Պօ­ղոս Չալկճեան՝ որ իր կար­գին Շա­րասա­նէ քա­ղուած տե­ղեկու­թիւննե­րով հարստա­ցուց պոլ­սա­հայ թատ­րո­նի ուղղեալ ընդհա­նուր հա­յեաց­քը։

Մի­ջոցառ­ման երկրորդ օրո­ւայ ատե­նախօսն էր ի մաս­նա­ւորի Քուրթու­լուշ թա­ղի ման­րա­պատու­մով ծա­նօթ հե­տազօ­տիչ Հիւ­սէ­յին Ըր­մաք։ Ան ալ զրու­ցա­վար Մել­թեմ Օրա­լի ուղղած հար­ցումնե­րուն ըն­դա­ռաջե­լով լրա­ցու­ցիչ տե­ղեկու­թիւններ փո­խան­ցեց վեր­ջերս լոյս տե­սած «Եր­թանք Թա­թավ­լա» անուն գիր­քի բո­վան­դա­կու­թե­նէ։

Կազ­մա­կեր­պիչնե­րը եր­կու մի­ջոցա­ռումնե­րու աւար­տին հա­մար ալ նա­խատե­սած էին երաժշտա­կան հա­տուած, որ ալ աւե­լի մատ­չե­լի դար­ձուց եր­կօ­րեայ մի­ջոցա­ռումը։