Շնորհանդէս «Պալեաններ» հատորի թրքերէն թարգմանութեան

Հայաստանի Ճար­տա­րապետ­նե­րու միու­թեան եւ Թա­մանեանի անո­ւան ճար­տա­րապե­տական ինստի­տու­տի նախ­կին տնօ­րէն՝ Աշոտ Գրի­գորեան 10 Հոկ­տեմբե­րի երե­կոյեան մաս­նակցե­ցաւ իր վեր­ջին ու­սումնա­սիրու­թեան, Պա­լեան­նե­րու ձօ­նուած հա­տորի թրքե­րէն թարգմա­նու­թեան շնոր­հանդէ­սին։

Ֆե­րիգիւ­ղի եկե­ղեց­ւոյ Շի­րինօղ­լու սրա­հին մէջ կա­յացած մի­ջոցառ­ման կազ­մա­կեր­պիչն էր պոլ­սա­հայ ճար­տա­րապետ­նե­րու եւ ճար­տա­րագէտ­նե­րու միու­թիւնը Հայ­Ճար։

Մի­ջոցառ­ման ներ­կայ էին Սեւ Ծո­վեան տնտե­սական հա­մագոր­ծակցու­թեան կազ­մա­կեր­պութեան Իս­թանպու­լի մշտա­կան ներ­կա­յացու­ցիչ Սա­հակ Սարգսեան, Թուրքիոյ Հա­յոց Պատ­րիարք Սա­հակ Բ., Հայ Աւե­տարան­չա­կան Եկե­ղեց­ւոյ վե­րապա­տուե­լի Գրի­գոր Աղա­պալօղ­լու, Արամ Արք. Աթէ­շեան, Յո­վակիմ Աբղ. Սե­րով­բեան եւ հե­տաքրքիր­նե­րու հա­սարա­կու­թիւնը։

Հայ­Ճա­րի անու­նով Նա­զար Պի­նաթ­լը ող­ջունեց օրո­ւայ մե­ծարեալն ու ներ­կա­ները եւ ապա բարձրա­խօսը յանձնեց «Ժա­մանակ» օրա­թեր­թի խմբագ­րա­պետ Արա Գօ­չուեանի, որ ստանձնած էր ժո­ղովա­վարի պաշ­տօ­նը։

Արա Գօ­չու­նեան բո­վան­դա­կալից կեր­պով նկա­րագ­րեց Պա­լեան անու­նի նշա­նակու­թիւնը արեւմտա­կանաց­ման շրջա­նի Թուրքիոյ ճար­տա­րապե­տու­թեան ոլոր­տին մէջ յատ­կա­պէս ընդգծե­լով անոնց անու­նը ան­տե­սել մի­տող ժխտո­ղակա­նու­թեան եւ ու­րացման հետզհե­տէ սո­վորոյ­թի վե­րածո­ւած քա­ղաքա­կանու­թիւնը։ «Հա­յու հետ­քը վե­րաց­նե­լու հա­մար նա­խընտրե­ցին Պա­լեանի տեղ Պա­լեանի գրել։ Ձե­ւաց­նե­լով թէ այդ պատ­կա­ռելի շի­նու­թիւննե­րու ճար­տա­րապե­տը հայ մը չէ, այլ իտա­լացի։ Աւե­լի ետք այդ նոյն ու­րա­ցու­մը շա­րու­նա­կեցին ու­րիշ Թուրք ակա­դեմա­կան­ներ եւս, որոնք այս ան­գամ ալ հար­ցա­կանի տակ կը դնէին Պա­լեան­նե­րու ճար­տա­րապե­տական վաս­տա­կը, այդ անո­ւանի հսկա­ներուն պատ­շա­ճեց­նե­լով խալ­ֆա ածա­կանը»։

Արա Գօ­չու­նեան երախ­տա­գիտու­թեամբ յի­շեց պատ­մութեան անո­ւանի հե­տազօ­տիչ Բարս Թուղլա­ճըի անու­նը, որուն «Պա­լեան ըն­տա­նիքը» անուն ու­սումնա­սիրու­թեան հրա­տարա­կու­մէն ետք է, որ թափ ստա­ցած էր ու­րացման վե­րոն­շեալ հո­սան­քը։

Բա­ւական ծա­ւալուն այս հա­տուա­ծէն ետք Աշոտ Գրի­գորեան առիթ ու­նե­ցաւ այս ու­սումնա­սիրու­թեան ոդի­սակա­նը պատ­մե­լու։

Պա­լեան­նե­րը իրենց շի­նու­թիւննե­րը կա­ռու­ցած են ժա­մանա­կին տի­րող արեւմտա­կանաց­ման հո­սան­քի պա­հանջնե­րուն հա­մաձայն։ Այդ է պատ­ճա­ռը, որ անոնք աւե­լի նո­ւազ կը յի­շուին հայ ճար­տա­րապե­տու­թեան պատ­մութեան մէջ։

Մի­ջոցա­ռու­մը աւար­տին հա­սաւ ներ­կա­ներու հար­ցումնե­րով եւ պա­րոն Գրի­գորեանի հար­ցումնե­րով եւ պատասխաններով։

Այժմ կը մնայ մեծ հե­տաքրքրու­թեամբ սպա­սել Աշոտ Գրի­գորեանի հայ­կա­կան խորհրդան­շաննե­րու մեկ­նա­բան­ման եւ ու­սումնա­սիր­ման նո­ւիրո­ւած նոր աշ­խա­տու­թիւնը, որու հա­մար ար­դէն իսկ գոր­ծի լծո­ւած են մշա­կոյ­թի զա­նազան ճիւ­ղե­րը ներ­կա­յաց­նող բազ­մա­թիւ ակա­դեմա­կան­ներ եւ մտա­ւորա­կան­ներ։

«Ակօս»ի խմբագ­րա­տուն տո­ւած այ­ցե­լու­թեան ըն­թացքին անդրա­դառ­նա­լով այս նոր աշ­խա­տու­թեան նրբե­րանգնե­րուն, Աշոտ Գրի­գորեան յայտնեց թէ սոյն աշ­խա­տու­թիւնը լուրջ հա­կասու­թիւննե­ր պի­տի ստեղ­ծէ հո­գեւո­րական­նե­րու դա­սուն մօտ, քա­նի պի­տի պար­զո­ւի թէ քրիս­տո­նէու­թեան հա­մաշ­խարհա­յին խորհրդան­շա­նը հա­մարո­ւող խա­չը իբ­րեւ սիմ­պոլ Հայ­կա­կան բարձրա­վան­դա­կի վրայ ու­նի 12 հա­զար տա­րուայ ան­ցեալ։