Արցախէն Հայաստան բռնի տեղահանուած անձանց թիւը 4 Հոկտեմբերին ժամը 16:00-ի դրութեամբ 100 հազար 632 է։
Հայաստանի վարչապետի մամուլի քարտուղար Նազելի Պաղտասարեանի խօսքով՝ հաշուառուածներու թիւը 96 հազար 940 է, ինչը ԼՂ-էն բռնի տեղահանուածներու 97 տոկոսը կը կազմէ։
«Մեզ տուեալներ փոխանցած է նաեւ ՀՀ առողջապահութեան նախարարութիւնը։ Տուեալներու համաձայն՝ այս պահուն Հայաստանի տարբեր բուժհաստատութիւններուն բուժում կը ստանան 324 անձ։ Անոնցմէ 114-ի վիճակը ծանր է, 15-ի վիճակը՝ ծայրայեղ ծանր։ Վերակենդանացման բաժանմունքին կը շարունակէ բուժում ստանալ 8 երախայ», ըսաւ Պաղտասարեանը։
