Հարցաքննութիւն Սեզկին Թանրըքուլուի դէմ

Ժողովրդա­հան­րա­պետա­կան կու­սակցու­թեան ամե­նաաշ­խուժ պատ­գա­մաւոր­նե­րէն, Տի­յար­պե­քիրի երես­փո­խան Սեզ­կին Թան­րը­քու­լո­ւի դէմ ուղղո­ւած մե­ղադ­րանքի հի­ման վրայ մեկ­նարկած է դա­տական հար­ցաքննու­թիւն։

Թան­րը­քու­լու ծա­նօթ է մար­դու իրաունքնե­րու ոտ­նա­կոխ­ման դէպ­քե­րու դէմ իր գերզգա­յուն վար­քով։ Ան միշտ զօ­րակ­ցութիւն ցու­ցա­բերած է բո­լոր այն մարդկանց, որոնք ար­դա­րու­թեան չեն ար­ժա­նացած։ Այդ ծի­րէն ներս Շա­բաթօ­րեայ Մայ­րե­րու հա­մարեա բո­լոր նստա­ցոյ­ցե­րուն զօ­րակ­ցած Թան­րը­քու­լու ի վեր­ջոյ կ՚ար­ժա­նանայ իր այդ գերզգայ­նութեան գնա­հատ­ման։ Ար­դա­րեւ ան կը մե­ղադ­րո­ւի ամե­նաանըն­դունե­լի յան­ցա­գոր­ծութեամբ, որն է՝ ժող­վուրդի խա­ւերու մէջ թշնա­մու­թիւն սեր­մա­նել։

Սեզ­կին Թան­րը­քու­լո­ւի դէս բո­ղոք ներ­կա­յաց­նողնե­րը նաեւ կը պնդեն թէ ան անար­գած է երկրի զի­նեալ ու­ժե­րը, յի­շեց­նե­լով որ այս վեր­ջիննե­րը բա­զում ան­գամներ մի­ջամ­տած են երկրի ժո­ղովրդա­վարա­կան սկզբունքնե­րուն եւ ոտ­նա­կոխած մար­դու իրա­ւունքնե­րը։

Այս մե­ղադ­րանքը զար­մա­նալի չէ Թուրքիոյ քա­ղաքա­կան դաշ­տի գերզգայ­նութիւննե­րուն ծա­նօթ եղող­նե­րուն հա­մար։

Այստեղ չեն հան­դուրժեր իրո­ղու­թիւննե­րը բարձրա­ձայ­նե­լու։ Փաս­տա­ցի իրո­ղու­թիւն է Թան­րը­քու­լո­ւի խօս­քե­րը, բայց անոնց ար­տա­յայ­տո­ւիլը թշնա­մու­թիւն կը հա­մարո­ւի երկրի ընդհա­նուր շա­հերու նկատ­մամբ։ Այդ պա­հուն այ­լեւս նշա­նակու­թիւն չեն ու­նե­նար ճշմար­տութիւ­նը եւ խնդի­րը կը ներ­կա­յացո­ւի, որ­պէս պե­տական կա­ռոյցնե­րու դէմ նա­խատինք։