Անորոշութիւն հիւանդանոցներու ընտրութեան խնդրին շուրջ

Ըստ նա­խորդ տա­րի Յու­նիս ամ­սուն պե­տական պաշ­տօ­նաթեր­թի մէջ հրա­տարա­կուած Հա­մայնքա­յին Հաս­տա­տու­թիւննե­րու Ընտրու­թեան Կա­նոնագ­րին, կ՚ակնկա­լուի թէ հի­ւան­դա­նոց ու­նե­ցող փոք­րա­մաս­նութիւննե­րը մին­չեւ 2023-ի տա­րեվերջը կա­տարեն հո­գաբար­ձութեան ընտրու­թիւնը։ Ի դէմ այս որո­շու­մին ցարդ հրա­տարա­կուած չէ ընտրու­թեան կա­նոնա­գիրը։

Յու­նիս ամ­սուն, երբ ձե­ւաւո­րուած էր կա­նոնագ­րի նա­խագի­ծը, պա­հան­ջո­ւած էր, որ հա­մայնքնե­րը շտապ քննու­թիւնով մը ար­ձա­գան­գեն նա­խագ­ծի մա­սին հա­ւանա­կան վե­րապա­հու­թիւննե­րով։ Այդպէս ալ եղաւ եւ փոք­րա­մաս­նութեան հա­մայնքնե­րը շու­տով փո­խադար­ձե­ցին։ Վերջնա­կան ձեւ ստա­ցած կա­նոնա­գիրը ցարդ չէ հրա­տարա­կուած պաշ­տօ­նաթեր­թի մէջ։ Յու­լի­սէն այս կողմ փակ դռնե­րու ետին բա­զում ան­պաշտօն տե­ղեկու­թիւններ կը շրջան­ցեն։

Ինչպէս ծա­նօթ է, խնդրոյ առար­կայ հի­ւան­դա­նոց­նե­րը հա­յոց Սուրբ Փրկի­չը, հայ կա­թողի­կէնե­րու Սուրբ Յա­կոբը, յու­նաց Պալըք­լըի եւ հրէից Պա­լաթի Օր Ահա­յիմ հի­ւան­դա­նոց­ներն են։

Վեր­ջին երեք ամիս­նե­րուն լսումներ կան, որոնց հա­մաձայն ընտրու­թիւննե­րը կրնան յե­տաձ­գո­ւիլ 2024 թո­ւակա­նին։ Նոյ­նիսկ ոմանք այդ վար­կա­ծը կը հիմ­նա­ւորեն իրենց Ան­գա­րայի մէջ ու­նե­ցած շփումնե­րուն։ Վեր­ջին եր­կու շա­բաթ­նե­րու ընթցքին դար­ձեալ փակ դռնե­րու ետին նոր լսումներ ալ կան։ Խնդրին մօ­տէն ծա­նօթ շրջա­նակ­ներ, որոնց մէջ նաեւ կարգ մը հա­սատա­տու­թիւննե­րու վա­րիչ­ներ, կը նշեն թէ կա­նոնա­գիրը շու­տով պի­տի հրա­պարա­կուի։ Անոնք կը պնդեն թէ իշ­խա­նու­թիւննե­րը այժմ լու­ծել կը ջա­նան կա­նոնագ­րի այն թե­լադ­րանքը, ըստ որու կը պա­հան­ջո­ւէր վար­չա­կազ­մէն ներս ու­նե­նալ բժիշկ, տնտե­սագէտ եւ իրա­ւաբան։ Կա­նոնա­գիրը կը նա­խատե­սէր եօթը ան­դամնե­րով կազմ մը եւ անոնց կէ­սէն աւե­լի ալ պա­հես­տի ան­դամներ։ Այս պա­հես­տի ան­դամնե­րու կար­գին դար­ձեալ կը պա­հան­ջո­ւէր վե­րեւ նշո­ւած մաս­նա­գէտ­նե­րու ներ­կա­յու­թիւնը։ Ըստ երե­ւոյ­թի նման պար­տադրան­քը որոշ դժո­ւարու­թիւն կը յա­րու­ցէ ընտրու­թեան մաս­նակցող խումբե­րու հա­մար։ Ներ­կայ պայ­մաննե­րու մէջ, թէ հայ եւ թէ յոյն հա­մայնքնե­րէ ներս պատ­րաստու­թիւննե­րը թափ ստա­ցած են։

Սուրբ Փրկիչ Հի­ւան­դա­նոցի հո­գաբար­ձութեան հա­մար մէ­կէ աւե­լի թեկ­նա­ծու­նե­րու ցան­կեր կը պատ­րաստո­ւին։ Հո­գաբար­ձութեան ներ­կայ ատե­նապետ Պետ­րոս Շի­րինօղ­լու նա­խապէս յայտնած էր, որ այ­լեւս յոգ­նած կը զգայ եւ չու­զէր թեկ­նա­ծու դառ­նալ։ «Բայց եթէ տես­նեմ թէ ին­ծի հա­մար անըն­դունե­լի ցան­կեր կը յայտնուին, պատ­րաստ ես մին­չեւ վերջ պայ­քա­րելու» ըսած էր։ Այս պա­հուն յայտնի չէ թէ Պետ­րոս Շի­րինօղ­լու ինչ դիրք պի­տի բռնէ։ Որոշ կար­ծիքնե­րու հա­մաձայն ան կրնայ զօ­րակ­ցիլ խմբակ­նե­րէն մէ­կուն՞ իսկ ու­րիշներ ալ կը պնդեն թէ ինք եւս թեկ­նա­ծու կրնայ ըլ­լալ։ Ծա­նօթ է որ Սուրբ Խաչ Դպրե­վան­քի խնա­մակա­լու­թեան նա­խորդ ատե­նապետ փրոֆ. Թո­րոս Ալ­ճան որոշ ժա­մանա­կէ ի վեր այս նիւ­թին շուրջ աշ­խա­տանքներ կը տա­նի։

Նոյնպէս հե­տաքրքրու­թեան ար­ժա­նի է Գա­րակէօլեան որ­բա­նոցի խնա­մակա­լու­թեան ատե­նապետ Տիգ­րան Կիւլմեզ­կի­լի դիր­քո­րոշու­մը։ Բա­ցի այդ Սուրբ Փրկիչ Հի­ւան­դա­նոցի գոր­ծող հո­գաբար­ձունե­րէն ոմանց ալ ցան­կով մը ներ­կա­յանա­լու հա­ւանա­կանու­թիւն կայ։ Այսպէս կա­րելի է նկա­տել թէ Սուրբ Փրկիչ Հի­ւան­դա­նոցի վար­չութեան հա­մար առ­նո­ւազն երեք ցան­կեր պա­տրաստու­թիւն կը տա­նին։

Նման պայ­քար մըն ալ կը տի­րէ Պա­լըք­լըի Յու­նաց Հի­ւան­դա­նոցի վար­չութեան հա­մար։ Մէկ բան յստակ է թէ բո­լորն ալ կը սպա­սեն ընտրու­թեան կա­նոնագ­րի հրա­պարա­կու­մին։