Մտքի Հարթակի ժողովը ֆորումի ձեւաչափով

Պատրիար­քա­կան վեր­ջին ընտրու­թիւննե­րու եւ հա­մայնքա­յին հաս­տա­տու­թիւննե­րու ընտրու­թիւննե­րու ըն­թացքին բա­ւակա­նին աշ­խոյժ գոր­ծունէու­թիւն ծա­ւալած հա­սարա­կական կազ­մա­կեր­պութիւն մըն է «Միտ­քի Հար­թակ»ը։

Ան յա­ճախ կը դի­մէր հա­սարա­կու­թեան հետ խորհրդակ­ցութեան մի­տու­մով հան­դի­պումնե­րու։

21 Օգոս­տոս եկու­շաբթի երե­կոյ, այս բնոյ­թով հան­դի­պում մը տե­ղի ու­նե­ցաւ Գը­նալը Կղզի Կազ­դուրման Կա­յանի տա­րած­քին մէջ։ Օրա­կար­գի նիւթն էր հա­մայնքա­յին հաս­տա­տու­թիւննե­րու ընտրու­թեանց հե­տեւանքնե­րը եւ յատ­կա­պէս ալ Սուրբ Փրկիչ Հի­ւան­դա­նոցի հո­գաբար­ձութեան ընտրու­թեան խնդի­րը։

Հար­թա­կի անու­նով ելոյթ ու­նե­ցաւ Թա­դէոս Պէ­պէք, որ հա­կիրճ կեր­պով նկա­րագ­րեց իրենց տա­րած աշ­խա­տու­թիւննե­րը։ Առա­ջին հեր­թին Ֆե­րիգիւ­ղի թա­ղակա­նու­թեան նո­րըն­տիր ան­դամնե­րէն Ժիւլյէթ Տե­միր­ճիօղ­լու բա­ցատ­րութիւններ տո­ւաւ նախ ընտրու­թեան գոր­ծընթա­ցի եւ ապա ընտրու­թե­նէ ետք կա­տարո­ւած աշ­խա­տու­թիւննե­րու մա­սին։

Մտքի Հար­թա­կի ժո­ղով­նե­րը խորհրդակ­ցա­կան բնոյթ կը ստա­նան ներ­կա­ներու քննար­կո­ւած նիւ­թին մա­սին կար­ծիք յայտնե­լու կամ հար­ցումներ ուղղե­լու երե­ւոյ­թով։

Այս ան­գամ ալ պա­տահե­ցաւ նոյ­նը եւ ժո­ղովը ու­նե­ցաւ ֆո­րու­մի մը ձե­ւաչա­փը։ Ժո­ղովի երկրորդ հա­տուա­ծին մէջ «Ակօս»ի սիւ­նա­կագիր ըն­կե­րաբան Յով­հաննէս Քը­լըչ­տա­ղը անդրա­դար­ձաւ հի­ւան­դա­նոց­նե­րու հո­գաբար­ձութիւննե­րու ընտրու­թեան նիւ­թին։

Քը­լըչ­տաղ նշեց որ Թուրքիոյ հայ հա­մայնքը ու­նի եր­կու հի­ւան­դա­նոց­ներ՝ Սուրբ Փրկիչ եւ Սուրբ Յա­կոբ։ Ապա ներ­կա­յացուց որոշ հար­ցադրումներ հայ­կա­կան հի­ւան­դա­նոցի մը տես­լա­կանի եւ նա­խապա­տուու­թիւննե­րուն մա­սին։ Ան վեր­ջա­պէս ան­հիմն հա­մարեց հի­ւան­դա­նո­ցի հո­գաբար­ձութեան ատե­նապե­տի հա­մայնքի առաջ­նորդ կամ բան­բեր ըլ­լա­լու յա­ւակ­նութիւ­նը։ «Նման տիտ­ղո­սը զուրկ է իրա­ւական կամ օրի­նական հիմ­քէ» ըսաւ Քը­լըչ­տա­ղը։

Ժո­ղովի աւար­տա­կան ելոյ­թը կա­տարեց փաս­տա­բան Սե­պուհ Աս­լանկիլ, որ ընդգծեց իրա­ւական են­թա­հողի անհրա­ժեշ­տութիւ­նը իրա­ւունքնե­րու յափշտակ­ման երե­ւոյթնե­րու դի­մաց։ Այս հաս­տա­տու­մը խիստ կա­րեւոր է, քա­նի որ պոլ­սա­հայ հա­սարա­կու­թեան թէ հո­գեւոր եւ թէ աշ­խարհիկ առաջ­նորդնե­րը կը խու­սա­փին իրա­ւական գետ­նի վրայ իրա­ւունք պա­հան­ջե­լէ եւ դիւ­րաւ կը հա­մակեր­պին կա­ռավա­րու­թեան կա­մայա­կան պար­տադրանքնե­րուն։ Այդ երե­ւոյ­թին ակա­նատես եղանք, թէ պատ­րիար­քա­կան եւ թէ հա­մայնքա­յին հաս­տա­տու­թիւննե­րու ընտրու­թիւննե­րու շրջա­նին։