Ճնշումներ ազատ մամուլի դէմ

Թուրքիոյ ամե­նօրեայ ապ­րումնե­րու սո­վորա­կան երե­ւոյթնե­րէն մէկն է լրագ­րողնե­րու շատ ան­գամ խմբո­վին բեր­ման են­թարկո­ւելու, նոյ­նիսկ ձեր­բա­կալուելու մա­սին լու­րե­րը։ Վեր­ջին ան­գամ Տի­յար­պե­քիրի դա­տախա­զու­թեան վա­րած հար­ցաքննու­թեան մը ծի­րէն ներս երկրի տար­բեր քա­ղաք­նե­րուն մէջ հինգ լրագ­րողներ բեր­ման են­թա­րուե­ցան։

«Մե­զոփո­թամիա» լրա­տու գոր­ծա­կալու­թեան թղթա­կից Տե­լալ Աք­յիւզ 25 Յու­լի­սի առա­ւօտեան ժա­մերուն Իզ­մի­րի բնա­կարա­նը եկող ոս­տի­կան­նե­րու կող­մէ բեր­ման են­թարկո­ւեցաւ։ Նոյն ժա­մերուն Ան­գա­րայի իր տան մէջ բեր­ման են­թարկուեցաւ նաեւ նոյն գոր­ծա­կալու­թեան թղթա­կից Ֆը­րադ Ճան Աս­լան։ Ոս­տի­կան­նե­րը գրա­ւեցին նաեւ անոր բջջա­յին հե­ռախօ­սը եւ հա­մակար­գի­չը։

Ան­գա­րայի մէջ բեր­ման են­թարկո­ւած մի այլ լրագ­րող էր Սի­պել Եիւքլեր, որ դար­ձեալ տու­նէն առ­նո­ւելով Ան­գա­րայի անվտան­գութեան տնօ­րէնու­թիւն փո­խադ­րո­ւեցաւ։

«Պիանե­թ»ի խմբա­գիր Էվ­րիմ Քե­փենեք եւ բեր­ման են­թարկո­ւեցաւ Իս­թանպու­լի մէջ։ Առա­ւօտո­ւայ կա­նուխ ժա­մերուն կա­տարուած այս կա­լանա­ւորումնե­րէն ետք օրո­ւայ յա­ջոր­դող ժա­մերուն բեր­ման են­թարկո­ւեցաւ նաեւ լրագ­րող Էվ­րիմ Տե­նիզ։

Բեր­ման են­թարկո­ւող առա­ջին չորս լրագ­րողնե­րէն երե­քը երե­կոյեան ժա­մերուն ազատ ար­ձա­կուե­ցան դա­տական հսկո­ղու­թեան պայ­մա­նաւ։ Իսկ Ֆը­րաթ Ճան Արսլան ձեր­բա­կալո­ւեցաւ եւ բան­տարկո­ւեցաւ։

Էվ­րիմ Քե­փենեք ալ յա­ջորդ օր 26 Յու­լի­սին դար­ձեալ դա­տական հսկո­ղու­թեան պայ­մա­նաւ ազատ ար­ձա­կուե­ցաւ։

Բեր­ման են­թարկե­լու այս գոր­ծո­ղու­թիւններն ալ թէ երկրին մէջ եւ թէ երկրէ դուրս բո­ղոք­նե­րու պատ­ճառ դարձան։