Ասորի պատգամաւորը արդարութիւն կը պահանջէ

Նորակազմ Խորհրդարանի Կանանչ Ձախ կուսակցութեան Մարտինի պատգամաւոր Ճորճ Ասլան խորհրդարանի նախագահութեան առաջարկած է հետազօտում կատարել ասորիապատկան տարածքնե­րու յափշտակ­ման խնդրի վե­րաբե­րեալ։ Աս­լան նշած է, որ Մար­տին, Շըր­նաք, Հաք­քա­րի եւ մեր­ձա­կայ տա­րածքնե­րուն մէջ վեր­ջին 40 տա­րինե­րէ ի վեր շա­րու­նա­կուող բա­խումնե­րու հե­տեւանքով բազմաթիւ ասորիներ ակամայ հեռացած են իրենց բնօրրանէն։ Անոնց բացակայութեան շրջանին կատարուած քատասդրի ստուգումներով անիրաւութիւններ գործուած են։ Այդ անօրինութիւններէն բաժին կը հասնի նաեւ եկեղեցիներու եւ վանքերու պատկանող տարածքներուն։ Բացի անհատներու սեփականութիւններէն, ասորիաբնակ գիւղերու տա­րածքներն ալ կը վերստու­գո­ւին ի վնաս ասո­րինե­րուն։

Այսպէս բազ­մա­թիւ արօ­տավայր կամ ան­տա­ռային տա­րածք գրան­ցո­ւած է հա­րեւան գիւ­ղի սահ­մաննե­րէն ներս։ Ճորճ Աս­լան կա­տարո­ւած անար­դա­րու­թիւննե­րը սրբագ­րե­լու պա­հան­ջով դի­մում ներ­կա­յացու­ցած է Խորհրդա­րանի նա­խագա­հու­թեան, ակ­նարկե­լով սահ­մա­նադ­րութեան 98-րդ եւ Խորհրդա­րանի ներ­քին կանոնագրի 104 եւ 105-րդ յօդուածներուն։