Սիւնիքի մարզի Խոտ բնակավայրին ՀՀ Տնտեսական նախարար Վահան Քերովբեան մասնակցած է «Ոչխարների Խուզման» փառատօնին։
Ան ուրախութիւն յայտնած է նման միջոցառումներու կազմակերպուելուն համար, քանի որ անոնք կ՚ուժեղացնեն համայնքները եւ տեղական առեւտուրի կարեւորութիւնը։
Քերովբեան անդրադարձած է նաեւ զբօսաշրջութեան զարգացման։ Ան դիտել տուած է, որ սոյն տարուայ առաջին հինգ ամիսներու տուեալներով Հայաստան այցելած է 806.000 զբօսաշրջիկ։ « Պէտք է ասեմ, որ ներքին զբօսաշրջութիւնը եւս շատ կարեւոր է։ Մենք Զբօսաշրջութեան կոմիտէի հետ ամէն տարի երկու տասնեակէն աւել փառատօնի կ՚ օժանդակենք, որոնցմէ մէկն ալ այս փառատօնն է։
Կը կարծեմ, որ նման միջոցառումները մեզ աւելի շատ կը մօտեցնեն համայնքներուն եւ գիւղատնտեսութեանը»։
2022-ին Հայաստան այցելած էին 1,5 միլիոն զբօսաշրջիկներ, որոնց մեծ մասը եկած էին Ռուսիոյ Դաշնութենէն։
Հայաստանի զբօսաշրջութեան շրջանակները դիտել կու տան թէ Սեւանայ Լիճը ամառնային զբօսաշրջութեան համար բաւականին ձեռնտու է։ Նոյն տարածքի վրայ Գեղամայ Սարի յանգած Աժդահակ հրաբուխը 3,6 հազար մեթր բարձրութեամբ գրաւիչ է լեռնագնացներու համար։ Անոնք խորհուրդ կու տան նաեւ «Կիլիկիա» նաւ թանգարանի այցելութիւնը եւ Առագաստ պարզելու նման այլընտրանքներ։
