Նոր նստաշրջան, նոր մարտահրաւէրներ

28Մա­յիսին կա­յացող նա­խագա­հական ընտրու­թեան երկրորդ փու­լը աւար­տած էր գոր­ծող նա­խագահ Էր­տո­ղանի յաղ­թա­նակով։ Նա­խորդ շա­բաթա­վեր­ջին կա­տարո­ւեցաւ նո­րըն­տիր խորհրդա­րանի երդման արա­րողու­թիւնը։ 600 ան­դամներ ու­նե­ցող խորհրդա­րանի մէջ միայն մէկ երես­փո­խան ի դէմ օրէն­քի բո­լոր հրա­մայա­կան­նե­րուն կը շա­րու­նա­կէ ճա­ղերու ետին մնալ։ Թուրքիոյ Բա­նուոր­նե­րու Կու­սակցու­թեան ցան­կէ ընտրո­ւած Հա­թայի պատ­գա­մաւո­րը, որ­պէս երես­փո­խան վա­ւերա­ցուե­լով հան­դերձ Վճռա­բեկ Ատեանի ձգձգումնե­րու հե­տեւան­քով ազա­տազրկման մէջ է։ Երդման արա­րողու­թե­նէն ան­մի­ջապէս վերջ Նա­խագահ Էր­տո­ղան եւս նա­խագա­հական եր­դում կա­տարեց Պէշ­թե­փէի Պա­լատին մէջ։

Երբ յստա­կացան Նա­խարա­րաց Խոր­հուրդի ան­դամնե­րու անուննե­րը այս պա­հուն կը մնայ միայն Խորհրդա­րանի Նա­խագա­հի ընտրու­թիտւնը։ Թուրքիոյ Բա­նուոր­նե­րու Կու­սակցու­թիւնը որո­շած է այդ աթո­ռին հա­մար առա­ջադ­րել Ճան Աթա­լայը։ Միւս կող­մէ Նա­խարա­րաց Խոր­հուրդն ալ իր կար­գին որոշ բամ­բա­սանքնե­րու առիթ պատ­ճա­ռեց։ Քու­լի­սեան տե­ղեկու­թիւննե­րով պար­զուցաւ, թէ Ներ­քին Գոր­ծոց նախ­կին նա­խարար Սիւ­լէյման Սոյ­լու մեծ ջանք վատ­նած է Իս­թանպու­լի նախ­կին կու­սա­կալ Ալի Եր­լի­քայա­յի այդ պաշ­տօ­նին նշա­նակու­մը կան­խե­լու հա­մար, բայց չէ յա­ջողած։

Ար­տա­քին Գո­րոց Նա­խարա­րու­թեան պաշ­տօ­նափո­խու­մը աւե­լի հե­զասահ ըն­թա­ցաւ եւ Մեվ­լութ Չա­ւու­շօղլո­ւին փո­խարի­նեց Ազ­գա­յին Լրա­քաղու­թեան Կազ­մա­կեր­պութեան նախ­կին նա­խագահ Հա­քան Ֆի­տան։ Այս վեր­ջի­նին հա­մար, երբ ան կը պատ­րաստո­ւէր երես­փո­խանու­թեան հա­մար իր թեկ­նա­ծու­թիւնը առա­ջադ­րել, Նա­խագահ Էր­տո­ղան ար­գելք եղած էր, ըսե­լով թէ «Ան իմ բո­լոր գաղտնիք­ներս գի­տէ»։

Նա­խարար­նե­րու մի­ջեւ ամե­նաու­շագրա­ւը եղաւ ելմտա­կան Նա­խարա­րու­թեան փո­փոխու­թիւնը, ուր ծի­ծաղա­շարժ ելոյթնե­րովը ծա­նօթ Նու­րէտտին Նե­պաթիի կը փո­խարի­նէ Մեհ­մետ Շիմ­շեք։ Շիմ­շեք առա­ջին օրէն իսկ յայ­տա­րարեց թէ տնտե­սական հա­մակար­գը պի­տի դնէ մի­ջազ­գա­յին սկզբունքնե­րու թե­լադ­րած ճա­նապար­հին վրայ։ Ան այս որո­շու­մը նկա­րագ­րեց խե­լամիտ ու տրա­մաբա­նական բա­ռերը գոր­ծա­ծելով։ Հա­կառակ ըն­թերցու­մով մը, այս ելոյ­թը նախ­կին շրջա­նի ռազ­մա­վարու­թիւնը կը դա­տապար­տէ ան­խելք ու անտրա­մաբա­նական ըլ­լա­լով։

Այս շա­բաթ Շիմ­շէ­քի պաշ­տօ­նակոչ­ման մա­սին «Ակօս»ի խմբագ­րա­պետի հար­ցումնե­րուն պա­տաս­խա­նող տնտե­սագէտ Կիւլտեմ Աթա­պայ մտա­հոգու­թիւն յայտնեց յի­շեց­նե­լով նա­խագա­հի այս պաշ­տօ­նին կո­չուած անուննե­րը, քա­նի մը ամիս­նե­րու ըն­թացքին պաշ­տօ­նէն հե­ռաց­նե­լու սո­վորու­թիւնը։ Իս­կա­պէս ալ դժո­ւար է Մեհ­մետ Շիմ­շէ­քի ստանձնած պար­տա­կանու­թիւնը, քա­նի որ լի­րայի ար­ժեզրկու­մը ալ աւե­լի տե­սանե­լի դար­ձած է իր հետ բե­րելով սղա­ճի նոր ալիք մը։