Հայ կինը Կեդրոնականի բեմէն

ՎԱՐԴԱՆ ԷՍԴՈՒԳԵԱՆ

Կեդրոնական Վար­ժա­րանը ուսման տա­րեշրջա­նի աւար­տին ան­գամ մը եւս տպա­ւորեց քա­ղաքի հայ հա­սարա­կու­թիւնը բե­մադ­րե­լով «Հայ կի­նը՝ մշա­կու­թա­յին եւ հա­սարա­կական կեան­քի մէջ» խո­րագ­րեալ նա­խաձեռ­նութիւնը։ Գե­ղարուես­տա­կան բազ­մե­րանգ բե­մադ­րութիւն մըն էր իրա­կանա­ցողը, որ ներ­կա­յացո­ւեցաւ 3 Յու­նիս շա­բաթ օր, Շիշ­լի Ճե­միլ Ճան­տաշ Մշա­կոյ­թի Կեդ­րո­նին մէջ։

Եօթը ան­ջատ բա­ժին­նե­րէ բաղ­կա­ցող բե­մադ­րութիւ­նը մեկ­նարկեց Պօ­ղոս Եղեազա­րի պատ­րաստած ցու­ցա­հան­դէ­սով, ուր կը տո­ղան­ցէին հայ դի­ցաբա­նու­թեան կին կեր­պարնե­րը, արո­ւես­տա­գէտ­նե­րը, հո­գեւո­րական­նե­րը եւ մտա­ւորա­կան­նե­րը։ Ապա Կեդ­րո­նակա­նի սա­ները մա­տու­ցե­ցին պա­րեր։ Այս բաժ­նին մէջ նշո­ւեցան Սիլ­վարդ Գա­րամա­նուկ, Անա­յիս Եալ­տըզճեան եւ Քրիս­տին Սա­լերիի անուննե­րը, որոնք մէկ­տե­ղուած էին «Մշա­կու­թա­սէր Կա­նանց Յանձնա­խումբ»ի եր­դի­կին տակ։ Երկրորդ բաժ­նին մէջ հե­տեւե­ցանք Գալ­ֆա­յեան Որ­բա­նոցի հիմ­նադրու­թեան, թա­տերա­կան բե­մադ­րութեան մը մի­ջոցաւ։ Եր­րորդ բա­ժինը նիւթ կ՚ու­նե­նար կրթա­կան ոլոր­տի մէջ գոր­ծունէու­թիւն ծա­ւալած կին կրթա­կան մշա­կները։ Այս բաժ­նի մէջ Կեդ­րո­նակա­նի սա­ները ար­տա­սանե­ցին Շու­շա­նիկ Ղուրկի­նեանի եւ Իր­մա Աճե­մեանի բա­նաս­տեղծու­թիւննե­րէն օրի­նակ­ներ։ Չոր­րորդ բաժ­նի մէջ կին արո­ւես­տա­գէտ­նե­րը,հին­գե­րոր­դի մէջ մա­մու­լի եւ հրա­տարակ­չա­կան աշ­խա­տան­քի կի­ները եւ վե­ցերորդ բաժ­նի մէջ ալ կին գիտ­նա­կան­նե­րը ներ­կա­յացո­ւեցան։

Պա­նու Աչըք­տե­նիզ պա­րերու, Սեր­տա Աս­լան եւ Պօ­ղոս Չալ­կը­ճըօղ­լու թա­տերա­կան բե­մադ­րութիւննե­րու հա­մար բե­րին իրենց ար­հեստա­վարժ ներդրու­մը։

Մի­ջոցառ­ման եօթե­րորդ եւ վեր­ջին բա­ժինը նիւթ կ՚ու­նե­նար քա­ղաքա­կան եւ հա­սարա­կական կեան­քի մէջ դե­րակա­տարու­թիւն ու­նե­ցող հայ կա­նայք։ Վար­ժա­րանի նախ­կին շրջա­նաւարտներ՝ Մե­լիսա Պի­լալ եւ Լեր­նա Էք­մեքչիօղ­լու հե­ռակապ դրու­թեամբ բե­րին իրենց մաս­նակցու­թիւնը, այս առ­թիւ պատ­րաստած ելոյթներ ար­տա­սանե­լով։

Այս ներ­կա­յացու­մին հե­տեւե­լով մտա­բերե­ցի 2017-ին նոյն մեր­ձե­ցու­մով պատ­րաստո­ւած «Հայ Դպրո­ցը» խո­րագ­րեալ մի­ջոցա­ռու­մը։ Ինչպէս նախ­կին օրի­նակին, այս ան­գամ ալ իմաս­տա­լից բո­վան­դա­կու­թեամբ, ու­սուցիչ­նե­րու, ու­սա­նող­նե­րու եւ նախ­կին շրջա­նաւարտնե­րու հա­մատեղ ջան­քե­րով հան­դի­սատե­սին ներ­կա­յացող այս մի­ջոցա­ռու­մը իր բարձր մա­կար­դա­կով յա­ջողե­ցաւ պան­ծացնել Կեդ­րո­նակա­նի անու­նը։

Մէ­կէ աւե­լի ան­գամներ լսե­ցի «Երա­նի մեր միւս վար­ժա­րան­ներն ալ նմա­նը գոր­ծադրեն» մաղ­թանքը։ Մենք ալ շնոր­հա­ւորե­լով այս ձեռ­նարկին սա­տարող բո­լորը, կը կի­սենք այդ նոյն մաղ­թանքը «Երա­նի թէ» ըսե­լով։