Շիրինօղլու չի ներկայացներ իր թեկնածութիւնը

18Մա­յիս հինգշաբ­թի օր, Սուրբ Փրկիչ Հի­ւան­դա­նոցի մէջ աւան­դա­կան շու­քով նշո­ւեցաւ Համ­բարձման տօ­նը։ Սա­հակ Բ. Պատ­րիար­քի մա­տու­ցած Ս. Պա­տարա­գի աւար­տին հի­ւան­դա­նոցի Կո­միտաս սրա­հին մէջ սար­քո­ւեցաւ Սի­րոյ սե­ղան։ Այստեղ հո­գաբար­ձութեան ատե­նապետ Պետ­րոս Շի­րինօղ­լու ելոյթ ու­նե­նալով նշեց թէ յա­ջորդ վար­չա­կան շրջա­նին ինք թեկ­նա­ծու պի­տի չըլ­լայ։ Շի­րինօղ­լու իր ելոյ­թի ըն­թացքին յա­տուկ շնոր­հա­կալու­թիւն յայտնեց Նա­խագահ Էր­տո­ղանին, բժիշկ Սե­ւան Սը­վաճըօղ­լո­ւի պատ­գա­մաւո­րական թեկ­նա­ծու­թիւնը առա­ջադ­րե­լուն հա­մար։

Ատե­նապե­տը ներ­կա­յացուց նաեւ հի­ւան­դա­նոցի տա­րեկան հա­շուե­ցու­ցա­կը։ Ան այս առ­թիւ կրկին ան­գամ մե­ղադ­րեց յատ­կա­պէս դպրոց ու­նե­ցող թա­ղակա­նու­թիւննե­րը, պնդե­լով որ անոնք կը թե­րանան իրենց առա­քելու­թեանց մէջ եւ միշտ ակնկա­լու­թիւններ կ՚ու­նե­նան հի­ւան­դա­նոցի կող­մէ տրա­մադ­րո­ւած նե­ցու­կին հա­մար։ Այդ քննա­դատու­թիւննե­րէն բա­ժին հա­սաւ նաեւ իր­մէ վերջ այս պաշ­տօ­նը ստանձնե­լու յա­ւակ­նութիւն ու­նե­ցող­նե­րու հաս­ցէին։