Սպառնալիք նոր պատժամիջոցներով

29Ապ­րի­լին ըն­կե­րային ցան­ցե­րու մէջ տա­րածո­ւած լու­րը կը յու­շէր «Ֆլայ Ուան» ըն­կե­րու­թեան թռիչքնե­րու դէմ Թուրքիոյ կող­մէ գոր­ծադրո­ւած ար­գելքը։

Շու­տով պար­զո­ւեցաւ, թէ թռիչքնե­րու խա­փանու­մը փո­խադարձ մըն է Երե­ւանի մէջ Նե­մեսի­սի յու­շարձա­նի կանգման։ Այս մա­սին Թուրքիոյ Ար­տա­քին Գոր­ծոց Նա­խարար Մեւ­լութ Չա­ւու­շօղլու յայ­տա­րարու­թիւն մը ընե­լով նշեց, թէ ար­գի­լուա­ծը ոչ թէ Երե­ւան- Իս­թանպուլ թռիչքներն են, այլ Երե­ւանէն մեկ­նե­լէ ետք Թուրքիոյ օդա­յին տա­րած­քը հա­տելով դէ­պի Եւրո­պա ուղղո­ւած թռիչքնե­րը։

Չա­ւու­շօղլու նշեց նաեւ, թէ ար­գելքը կ՚ընդգրկէ նաեւ շատ կա­րեւոր ան­ձե­րու (VIP) թռիչքնե­րը, որոնցմէ բա­ցառու­թիւն կ՚ըն­ծա­յուի Սեւ Ծո­վեան Տնտե­սական Հա­մագոր­ծակցու­թեան գա­գաթ­նա­ժողո­վին մաս­նակցե­լու հա­մար Ան­գա­րա եկող Հա­յաս­տա­նի Խորհրդա­րանի Նա­խագահ Ալեն Սի­մոնեանի ու­ղե­ւորու­թեան։ Չա­ւու­շօղլու պա­հան­ջեց յու­շարձա­նի վե­րացու­մը՝ սպառ­նա­լով թէ հա­կառակ պա­րագա­յին նոր պատ­ժա­միջոց­նե­րու պի­տի դի­մեն։

Նե­մեսիս գոր­ծո­ղու­թիւնը եղեռ­նին յա­ջոր­դող տա­րինե­րուն հա­յոց ցե­ղաս­պա­նու­թեան ծրագրման եւ գոր­ծադրման մէջ բա­ժին ու­նե­ցող քաղա­քա­կան գոր­ծիչնե­րը եւ պե­տական պաշ­տօ­նեանե­րը պատ­ժե­լու մի­տու­մով գոր­ծո­ւած ոճիր­ներն են։ Այդ ծի­րէն ներս Օս­մա­նեան պե­տու­թեան նա­խարար­ներ, բարձրաս­տի­ճան պաշ­տօ­նեաներ, նոյ­նիսկ հա­յազ­գի գոր­ծա­կալ­ներ գնդա­կահա­րուած էին կա­մաւոր մա­հապարտնե­րու ձե­ռամբ։ Թուրքիոյ պատ­մութեան մէջ միշտ յի­շուած դէպք մը ըլ­լա­լով կը նշո­ւի ցե­ղաս­պա­նու­թեան կազ­մա­կեր­պիչ, Օս­մա­նեան կա­ռավա­րու­թեան Ներ­քին Գոր­ծոց Նա­խարար Թա­լեաթի՝ Պեր­լի­նի մէջ Սո­ղոմոն Թեհ­լե­րեանի կող­մէ սպա­նուի­լը։ Գեր­մա­նական դա­տարա­նը այս ոճի­րէն վերջ Թեհ­լե­րեանը ան­պարտ հռչա­կած էր՝ նկա­տի ու­նե­նալով որ Թա­լեաթ ուղղա­կի պա­տաս­խա­նատու է բիւ­րա­ւոր ան­մեղ զո­հերու սպա­նու­թե­նէն։