Ընտրութիւններու ընդառաջ լարուածութիւնը կը սրի

25Ապ­րի­լի առա­ւօտը եթէ ոչ անսպա­սելի, բայց գո­նէ անակնկալ զար­գա­ցում մըն էր Տի­յար­պէ­քիրը կեդ­րոն ու­նե­նալով 21 քա­ղաք­նե­րէ ներս գոր­ծադրո­ւած բեր­ման են­թարկե­լու մա­սին լրա­տուու­թիւնը։ Ար­դա­րեւ լրա­հոսը կը պար­զէր թէ առա­ւօտո­ւայ կա­նուխ ժա­մերէն սկսեալ աւե­լի քան 110 քա­ղաքա­կան գոր­ծիչներ, լրագ­րողներ, փաս­տա­բան­ներ եւ արո­ւես­տա­գէտ­ներ բեր­ման են­թարկուած են։ Ժա­մերու տե­ւողու­թեամբ բեր­ման են­թարկո­ւած­նե­րուն թի­ւը գե­րազան­ցեց 150-ը եւ կը պնդո­ւէր թէ ոս­տի­կան­նե­րու ձեռ­քին կայ 200-է աւե­լի անուններ պա­րու­նա­կող ցանկ մը։ Մեկ­նա­բան­ներ կա­տարո­ւածը վե­րագ­րե­ցին ընտրու­թիւննե­րու ըն­դա­ռաջ ընդդի­մադիր շար­քե­րուն ջան­քե­րը խա­փանե­լու ծրագ­րի մը։ Ար­դա­րեւ Ժո­ղովուրդնե­րու Ժո­ղովրդա­վարա­կան Կու­սակցու­թեան շար­քե­րէն կա­տարո­ւած յայ­տա­րարու­թիննե­րուն մէջ կը շեշ­տո­ւէր թէ նման քայ­լե­րով ստո­ւերի տակ կը մնայ ընտրու­թեան ար­դա­րու­թիւնը։ Տի­յար­պե­քիրի Փաս­տա­բան­նե­րու Կա­ճառի նախ­կին նա­խագա­հը եւս կը բաժ­նէր նոյն կար­ծի­քը, դի­տել տա­լով որ բեր­ման են­թարկո­ւած փաս­տա­բան­նե­րը ընդհան­րա­պէս պաշ­տօն ստանձնած էին ընտրո­ւոթեան օր ընտրա­մասե­րէ ներս զեղ­ծա­րարու­թիւննե­րու դէմ հսկի­չի պար­տա­կանու­թիւնով։

Ոս­տի­կան­ներ բեր­ման են­թարկե­լու պա­հուն ի պահ կը դնէին նաեւ փաս­տա­բան­նե­րու հա­մակար­գիչնե­րը, բջջա­յին հե­ռախօս­նե­րը եւ իրենց հե­տապնդած դա­տավա­րու­թիւննե­րու մա­սին թղթած­րարնե­րը։ Իշ­խա­նամէտ մա­մու­լը կա­տարուածը կը ներ­կա­յաց­նէ ահա­բեկ­չութեան դէմ պայ­քա­րի շրջա­նակ­նե­րուն մէջ եւ առգրա­ւուած թղթած­րարներն ալ կը ներ­կա­յաց­նէ իբ­րեւ փաս­տա­թուղթ։

Հե­տաքրքրա­կան է որ այս զան­գուածա­յին ձեր­բա­կալու­թիւննե­րու դի­մաց ընդդի­մադիր այլ շրջա­նակ­ներ ոչ միայն չեն հա­կազ­դեր այլ լռու­թիւն կը պա­հեն։ Ժո­ղովուրդնե­րու Ժո­ղովրդա­վարա­կան Կու­սակցու­թեան Հա­մանա­խագահ Միթ­հատ Սան­ճար նոյն օր մաս­նակցած հե­ռուստա­հաղոր­դումի մը ըն­թացքին ըսած էր թէ յոյս ու­նի որ նա­խագա­հու­թեան թեկ­նա­ծու Քե­մալ Քը­լըչ­տա­րօղ­լու կա­տարո­ւածին դէմ բո­ղոք պի­տի ներ­կա­յաց­նէ։