Ս. Զատիկը Տիգրանակերտի մէջ

Ն.Ա.Տ. Սա­հակ Բ. Պատ­րիարք Հօր հրա­մանաւ, Արժ. Տ. Գէորգ Աւ. Քհնյ. Չնա­րեան Ս. Զատ­կի առ­թիւ 8 Ապ­րիլ 2023, Աւագ Շա­բաթ, մեկ­նե­ցաւ Տիգ­րա­նակերտ (Տի­յար­պա­քըր)։ Տէր հօր ըն­կե­րացան Բրշ. Վահ­րամ Սրկ. Լիւ­լէ­ճեան եւ Բրկ. Յով­հաննէս Քէօսէ։

Ս. Յա­րու­թեան տօ­նի առ­թիւ տա­ղաւա­րի Ս. Պա­տարա­գը մա­տու­ցո­ւեցաւ տեղ­ւոյն Ս. Կի­րակոս Եկե­ղեց­ւոյ մէջ, ձե­ռամբ Արժ. Տ. Գէորգ Աւ. Քհնյ.ի ձե­ռամբ։

Տեղ­ւոյն մե­րազն ժո­ղովուրդի մաս­նակցու­թեամբ մա­տու­ցո­ւած Ս. Պա­տարա­գի ըն­թացքին Արժ. Տ. հայ­րը կար­դաց Նո­րին Ամե­նապա­տուու­թեան տօ­նական պատ­գա­մը եւ հա­ղոր­դեց Տիգ­րա­նակեր­տի ժո­ղովուրդին ուղղեալ խօս­քը.

Յա­ւարտ Ս. Պա­տարա­գի, սար­քո­ւեցաւ տօ­նական սի­րոյ սե­ղան։

Կա­տարո­ւեցաւ նաեւ Ս. Պսա­կի եւ Ս. Մկրտու­թեան խոր­հուրդներ։

Եկե­ղեց­ւոյ ծխա­կան խոր­հուրդի ատե­նապետ Վարդգէս Էր­կիւն Այը­քի գլխա­ւորու­թեամբ տե­ղացի­ներ շնոր­հա­կալու­թիւն յայտնե­ցին մեր Հո­գեւոր Պե­տին ու իր գլխա­ւորած Պատ­րիար­քա­կան Աթո­ռոյն, որու հրա­հան­գով տե­ղի ու­նե­ցաւ հո­վուա­կան այս այ­ցե­լու­թիւնը, որ հո­գեւոր ու­րա­խու­թիւն պատ­ճա­ռեց Տիգ­րա­նակեր­տի մեր ժո­ղովուրդին։

Տէր Հայ­րը եւ ըն­կե­րակից­նե­րը նոյն երե­կոյ վե­րադար­ձան քա­ղաքս։