Այս տարի Միջմիութենական Գիտելիքի Մրցումը կը կազմակերպուի 23-րդ անգամ։ Անցեալ տարուան մրցոյթին ախոյեանը հանդիսացած էր Գատըգիւղի Արամեան Սանուց Միութիւնը։ Այս պատճառաւ մրցոյթը այս տարի կը կազմակերպուի Արամեան Սանուց Միութեան կողմէ։ Նախկին մրցումները իբրեւ աւանդ տեղի կ՚ունենային Մեծ Պահքի շրջանին, սակայն այս տարի երկրաշարժի աղէտին պատճառաւ յետաձգուեցան 31 Մարտ – 27 Ապրիլ 2023-ի միջեւ։
Մրցոյթը պիտի բաղկանայ եօթ փուլերէ եւ պիտի սկսի Արամեան Սանուց Միութեան մէջ։ Իսկ մնացեալ փուլերը պիտի կատարուին Պոլսոյ զանազան թաղերու սանուց միութիւններու երդիքներուն ներքեւ։ Բակումը կրկին պիտի կատարուի Գատըգիւղի Արամեան Սանուց Միւութեան մէջ։
