Արա Տինքճեանի երգարանի մասին

Կան ըն­կե­րու­թիւններ, որոք իրենց գոր­ծունէու­թեամբ որոշ նիւ­թի մը շուրջ դպրո­ցի առա­քելու­թիւն կ՚ու­նե­նան։ Այդպի­սինե­րէն է «Արաս» հրա­տարակ­չա­տու­նը, որ իր հրա­տարակ­չա­կան ընտրու­թիւննե­րով կը ձե­ւաւո­րէ ըն­թերցո­ղի ճա­շակն ու գի­տակ­ցութիւ­նը։ Այս բո­լորը կը մտա­բերենք ծա­նօթա­նալով «Արաս»ի հրա­տարա­կած վեր­ջին գոր­ծե­րէն մէ­կուն՝ «Արա Տինքճեանի Եր­գա­րանը»։

Արա Տինքճեան ժա­մանա­կակից հայ երաժշտու­թեան մէջ շատ յա­ջող կեր­պար մըն է, թէ իր յօ­րինումնե­րով եւ թէ կա­տարումնե­րով։ Ան հե­ղինա­կած է բազ­մա­թիւ հմա­յիչ մե­ղեդի­ներ, որոնք մեկ­նա­բանո­ւած են զա­նազան լե­զու­նե­րով բազ­մա­թիւ մե­ներ­գիչնե­րու կող­մէ։ Ինք եւս որ­պէս անո­ւանի ու­տա­հար աւե­լի քան 24 տար­բեր եր­կիրնե­րու մէջ բեմ բարձրա­ցած եւ հմա­յած է բիւ­րա­ւոր երաժշտա­սէր ունկնդիր­ներ։

Գիր­քի հե­ղինակն է երաժշտա­գէտ Պուրճու Եըլ­տըզ։ Ան այս գիր­քը խմբագ­րած է հիմք ու­նե­նալով Արա Տինքճեանի հետ եր­կար տա­րինե­րու հաս­նող բա­րեկա­մու­թիւնը։ Ար­դա­րեւ Արա Տինքճեանի իր հօր՝ առաս­պե­լական եր­գիչ Օն­նիկ Տինքճեանի հետ դէ­պի Թուրքիա կա­տարած հիւ­րա­համերգնե­րու առա­ջին կազ­մա­կեր­պիչն էր «Քար­տեշ Թիւրքիւ­լեր» երաժշտա­կան խումբը։

Պուրճու Եըլ­տըզ իբ­րեւ այդ խումբի ան­դամ մեկ­նարկող ծա­նօթու­թիւնը վե­րածեց բա­րեկա­մու­թեան, որու շնոր­հիւ թա­փան­ցեց նաեւ հայր եւ որ­դի Տինքճեան­նե­րու երաժշտա­կան մեծ աւան­դին։ Ներ­կայ հրա­տարա­կու­թիւնը այս հա­մագոր­ծակցու­թեան պտուղն է, ուր Պուրճու Եըլ­տըզ հան­գա­մանօ­րէն կը ներ­կա­յաց­նէ Արա Տինքճեանի երաժշտա­կան կեն­սագրու­թիւնը եւ ըն­թերցո­ղին կը մա­տու­ցէ անոր աւե­լի քան 80 յօ­րինումնե­րու ձայ­նագրու­թիւննե­րը։

Թրքե­րէն եւ անգլե­րէն երկլե­զու այս հրա­տարա­կու­թիւնը ոչ միայն ձայ­նագրու­թիւննե­րէն օգ­տո­ւող երա­ժիշտնե­րու զան­գո­ւածի, այլ իր հա­մես­տութեան մէջ մեծ նո­ւաճումներ ար­ձա­նագ­րած երգա­հանի մը հետ ծա­նօթա­նալ ցան­կա­ցող­նե­րու հա­մար խիստ մատ­չե­լի օրի­նակ մը ըլ­լա­լով տրա­մադ­րո­ւած է ըն­թերցող­նե­րու լայն զան­գո­ւածի մը ու­շադրու­թեան։