Երկրաշարժի աղէտեալներու օգնութեան նպատակաւ 25 Փետրուար 2023 Շաբաթ օր կէսօրէ ետք միութեանս մէջ կատարուեցաւ հիւսկի աշխատանոց մը։ Աշխատանոցը վարեց միութեանս վարչութեան անդամուհի եւ վաստակաւոր գծագրութեան ուսուցչուհի Թանիա Հանչէրօղլու։ Սանուց միութեան երդիքին ներքեւ բարեսէրները թէ զրուցեցին եւ թէ ջանացին օգտակար ըլլալու համար հիւսելու։ Աշխատանոցի աւարտին հիւսուած վզնոց ու մանկական ծածկոցները պիտի ուղղարկուին կարիքը ունեցողներուն, որոնք կը պայքարին դժուարին պայմաններով։ Աշխատանոցը պիտի շարունակուի յաջորդ շաբաթներուն ալ։
