Սովետական Միութեան փլուզումէն ետք Միացեալ Նահանգներու գլխաւորութեամբ ստեղծուած միաբեւեռ համակարգը հետզհետէ կը փլուզուի իմպերիալիզմի թելադրանքներուն չենթարկուող երկրներու միջոցով։ Ստեղծուելիք մէկէ աւելի նոր բեւեռներու գերիշխանութիւններու դասաւորման հետեւանքով, բախումներու ականատեսն ենք, որոնցմէ մէկը տեղի կ՚ունենայ Ուկրաինա։ Այս ընթացքի Ատրպէյճան-Թրքական դաշինքը մաս կազմելով Ամերիկեան ու արեւմտեան համակարգին եւ քաղաքականութեան, հայ ժողովուրդի դէմ կը պարտադրէ մի այլ պատերազմ, որու դրսեւորումն է Լաչինի միջանցքի փակումը։
Հայ Ձախ Ֆորումը կոչ կ՚ընէ աշխարհասփիւռ հայութեան համախմբուիլ Հայաստանի եւ Արցախի իշխանութիւններու շուրջ, շարունակել աջակցել Հայաստանի եւ Արցախի ժողովրդին։ Քօղազերծել թշնամու քաղաքականութիւնը եւ անմարդկային մտադրութիւնները իրենց բնակած երկրներէ ներս։ Կոչ կ՚ընենք հայ քաղաքական կառոյցներուն եւ քաղհասարակութեան, այս պահին մի կողմ թողել հակասութիւնները եւ համախմբուիլ միասնական պայքարով դիմակայելու հայ ժողովուրդի առջեւ ծառացած մարտահրաւէրներուն։
2022 թուականը հայ ժողովրդի եւ հայրենիքի համար լի էր տարբեր իրադարձութիւններով։ Նկատի ունենալով միջազգային ու տարածաշրջանային տարբեր հարցեր ու Հայաստանի եւ Արցախի իրավիճակը, հարկ կը համարենք յայտնել մեր մօտեցումները տարբեր հարցերու շուրջ ըստ հետեւալի։
Բոլոր հնարաւորութիւններէն օգտուելով եւ յենուելով հաւաքական իմաստութեան վրայ, փորձել Հայաստանի մէջ ստեղծել միասնական եւ միեւնոյն դիրքորոշումներ մեր հիմնական հարցերու շուրջ։
Մենք բոլոր երկրներու հետ կրնանք բնականոն յարաբերութիւններ ունենալ ու ոչ մի մեծ պետութիւն պէտք չէ մեզ պայմաններ թելադրէ այս կապակցութեամբ։ ԱՄՆ-ն եւ Եւրոպան պէտք չէ մեզ ճնշման տակ դնեն, որպէսզի մենք ընդունինք կամ Ռուսաստանին կամ իրենց։ Այսինքն մենք պէտք չէ ենթարկուինք անոնց կամ-կամի քաղաքականութեան։
Լաւ ճանչնալով ու գիտակցելով Իրանի արտաքին քաղաքականութիւնը, պէտք է աւելի խորացնենք համագործակցութիւնը մեր եւ Իրանի ընդհանուրութիւններու շուրջ եւ պէտք է խուսափինք ուղղակի կամ անուղղակի հակաիրանական քայլերէ։
Հակառուսական մթնոլորտի ստեղծումը մեր վնասին է վերջանալու եւ անհրաժեշտ է պետութիւնը այս ուղղութեամբ գործնական քայլեր վերցնէ հակազդելու նման ընթացքի։
ՀՀ իշխանութիւնը դրական քայլեր վերցուցած է ու կը վերցնէ հակակոռուպցիայի եւ ժողովրդի սոցիալական կեանքը բաւարարելու ուղղութեամբ, սակայն անոնք անբաւարար են։ Մենք կը գիտակցինք, որ իշխանութեան նեոլիպերալական բնոյթի պատճառաւ Հայաստանի մէջ հնարաւոր չէ տնտեսական ու սոցիալական արդարութիւն հաստատել։
Պէտք է օրէնքներ մշակուին, որոնք կ՚ապահովեն աշխատաւորներու ու աշխատավարձ ստացողներու անկախ արհմիութիւններու ստեղծման համար, որոնք կը հանդիսանան անոնց իսկական շահերը պաշտպանող ինստիտուտներ։
Մեծ պետութիւնները մարդկանց մօտ նիւթական շահագրգռուածութիւն ստեղծելով հեշտ կը կարողանան իրենց համար գործակլաներ դաստիարակել ու տեղաւորել երկրի կարեւորագոյն դիրքերուն։ Պետութիւնը երբեմն անզօր է անոնց դէմ պայքարելու ու մեր գիտակից հասարակութիւնն է, որ կարող է մերկացնել այդ գործողութիւնը եւ միշտ ուշադրութեան կեդրոնին ունենալ այս երեւոյթը։
Հայաստանի մէջ որեւէ տնտեսական յեղափոխութիւն տեղի չէ ունեցած, այժմ անհրաժեշտ է գաղափար ունենալ տնտեսական ժողովրդավարութեան ու տնտեսական արդարութեան մասին։ Այս գործօնը պէտք է իրագործուի ձախ ուժերո,ւ սոցիալ դէմոկրատներու եւ առաջադէմ մտաւորականութեան միջոցով։
Արցախի հարցը չի կրնար լուծուիլ առանց արցախցիներու լիիրաւ իրաւունքներու պաշտպանութեան համար երաշխիքներ ստեղծելով։ Սա մի ընթացք մըն է, որ կարող է մեզ ուղղորդել ժամանակ շահելու եւ ապագային աւելի յարմար ելքեր փնտռելու Արցախի հարցի շուրջ։
Շատ յոյսեր պէտք չէ փայփայել ԱՄՆ-ի եւ Եւրոպական երկրներու վրայ, որ իբրեւ թէ անոնք կարող են փոխարինել Ռուսաստանին տարածաշրջանի մէջ։ Անոնք լաւագոյն դէպքին կարող են որոշ զէնքեր կամ գումար տրամադրեն, սակայն պէտք է հասկնանք, որ անոնց շահերը կը ստիպէ իրենց միշտ լաւ յարաբերութիւններու մէջ ըլլան Ատրպէյճանի եւ Թուրքիայի հետ։ Ձեւականօրէն ու լօզունգներով երբեմն հնարաւոր է ցոյց տան թէ իբրեւ կը պաշտպանեն Հայաստանին եւ այլն։
Հայ Ձախ Ֆորումը կը շնորհաւորում է Ամանորը եւ Սուրբ Ծնունդը եւ յոյս կը յայտնէ, որ միասնական պայքարով կերտելու ենք աւելի բարենպաստ Նոր Տարի։
Հայ Ձախ Ֆորում
