Յիշատակման նախապատրաստութիւններ

«Ակօս»ի հիմ­նա­դիր Հրանդ Տինք մա­հուան 16-րդ տա­րելի­ցին առ­թիւ կը յի­շատա­կուի զա­նազան մի­ջոցա­ռումնե­րով։

Մի­ջոցա­ռումնե­րուն կա­րեւո­րագոյնն է հետզհե­տէ աւան­դա­կան դար­ձած հան­րա­հաւա­քը, որ պի­տի կա­յանայ 19 Յու­նո­ւար 2023-ին ժա­մը 15.00-ին, Հրան­դի սպան­նո­ւած կէ­տին, այ­սինքն «Ակօս» նախ­կին խմբագ­րութեան շէն­քի մուտքին։

«Հրան­դի Ըն­կերնե­րը» հար­թա­կը այս առ­թիւ հրա­պարա­կած կո­չին մէջ գրած է հե­տեւեալը՝ «Ձեզ հետ ենք ար­բա­րիկ, այստեղ ենք։ Յա­մառու­թիւնդ, յոյ­սերդ եւ քա­ջու­թիւնդ մեզ հետ է։ 19 Յու­նո­ւար 2023-ին ժա­մը 15-ին դար­ձեալ 23,5 Հրանդ Տինք յի­շողու­թեան վայ­րի առ­ջեւ Հրանդ Տին­քը կը յի­շատա­կենք»։

Բա­ցի այդ 12 Յու­նո­ւար հինգշաբ­թի Փան­կալթը Նոս­թալժի գրա­խանու­թի մէջ ժա­մը 19.30-ին կա­յանա­լիք ասու­լի­սին իբ­րեւ ատե­նախօս պի­տի մաս­նակցին Պիւ­լենթ Այ­տըն, Եըլ­տըզ Էօնեն եւ Ֆեր­հադ Պա­քըր­ճըօղ­լուն։

Պեր­լի­նի Մաք­սիմ Կոր­քի թատ­րո­նը ինչպէս ամէն տա­րի, այս տա­րի ալ Հրանդ Տին­քը կը յի­շատա­կէ 19 Յու­նո­ւար երե­կոյեան ժա­մը 20.30-ին Իւ­միթ Քը­վան­չի «Յի­շողու­թիւնը ան­բա­ւարար- Հրանդ Տին­քի հա­մար ֆիլմ մը» աշ­խա­տու­թիւնով։ Ֆիլ­մի հե­ղինակ Իւ­միթ Քը­վանչ առ­ցանց դրու­թեամբ պի­տի մաս­նակցի այս մի­ջոցառ­ման։

23 Յու­նո­ւար շա­բաթ օր, Գա­նատա Օքթթա­վայի մէջ կա­յանա­լիք մի­ջոցառ­ման մեկ­նարկը 15.30 է։ Օքթթա­վա Մէյն Լիպ­րը­րի մէջ կա­յանա­լիք մի­ջոցառ­ման բա­նախօսն է Ճի­հան Էր­տալ։ Էօմեր Օն­կուն եւ Սիլ­վիա Հաք­թո­թի պա­րի ներ­կա­յացու­մէն զատ Մահ­մետ Ֆա­թիհ Կիւ­տե­նի ֆիլմն ալ մի­ջոցառ­ման մաս կը կազ­մեն։

Ան­գա­րայի մէջ Միտ­քի Ազա­տու­թիւն նա­խաձեռ­նութիւ­նը եւ «Սո­լՖաՍոլ» պար­բե­րակա­նը միաս­նա­բար կը կազ­մա­կեր­պեն մի­ջոցա­ռում մը, որուն առ­ցանց դրու­թեամբ կը մաս­նակցի «Ակօս»ի հա­յերէն էջե­րու խմբա­գիր Բագ­րատ Էս­դուգեան։

Բա­ցի մե­զի հաս­նող այս կար­գադրու­թիւննե­րէն տա­կաւին բա­զում լսումներ կը ստա­նանք երկրի տար­բեր քա­ղաք­նե­րու մէջ նա­խատե­սուած ծրա­գիր­նե­րու մա­սին, որոնց ման­րա­մաս­նութիւննե­րէն ցարդ տե­ղեակ չենք եղած։

Միւս կող­մէ զա­նազան հե­ռուստա­կայան­ներ կամ լրա­տուա­միջոց­ներ սկսած են 19 Յու­նո­ւարի հա­մար յա­տուկ հա­ղոր­դումներ պատ­րաստե­լու։